ކޮމިޝަނާރ އޮފް ޕޮލިސް މުހައްމަދު ހަމީދު އަދި އެސިސްޓެންޓް ކޮމިޝަނާރ އޮފް ޕޮލިސް މުހައްމަދު ރިޔާޒުގެ މައްސަލައެއް ބަލައިދިނުމަށްއެދި ނޭޝަނަލް އިންޓާރގްރިޓީ ކޮމިޝަން ( އެންއައިސީ ) އަށް ހުށައަޅައިފިއެވެ.
ސީޕީ ހަމީދު އަދި އޭސީޕީ ރިޔާޒުގެ މައްސަލައެއް ބަލައިދިނުމަށްއެދި އެންއައިސީއަށް ހުށައަޅާފައިވަނީ އިދިކޮޅު ޕީޕީއެމްގެ ކައުންސިލް މެންބަރު ހަމްދާން ޝަކީލެވެ.
އެންއައިސީގެ ރައީސް ގާސިމް އަބްދުލް ކަރީމްއަށް ފޮނުވި ސިޓީގައި ބުނެފައިވަނީ އިސްލާމިކް މިނިސްޓްރީން ޔޯގާ އަކީ ޝިރުކެއްކަމަށް ކަނޑައަޅައި ޝިރުކުގެ އަމަލު ހިންގާ ފަރާތްތަކަށް ފިޔަވަޅު އަޅަަން އަންގާފައިވީނަމަވެސް މޯލްޑިވްސް ޕޮލިސް ސާވިސްގެ އިސްވެރިން ފުލުހުންނަށް މިކަން ސިއްރުކޮށް، ގަސްތުގައި ނޭނުމެއްގެ ތެރޭގައި އެބޭފުޅުން ލައްވައި ދައުލަތުގެ މުއައްސަސާއަކުން ކަނޑައެޅިގެން ވަކި ގޮތަކަށް އަމަލު ކުރަންއަންގާފައި ވަނިކޮށް އެއާއި ހިލާފަށް އަމަލުކުރަން އަންގާފއިވާކަމަށެެވެ.
I have submitted a complaint against CP Mohamed Hameed and ACP Mohamed Riyaz, requesting @NICgovmv to investigate their wilful negligence which led to the unrest surrounding the yoga day event. pic.twitter.com/JFKvxADbWZ
— Hamdhan Shakeel (@HamdhanShakeel) June 27, 2022
އެ ސިޓީގައި އިތުރަށް ބުނެފައިވަނީ ފުލުހުންގެ އިސްވެރިން އިސްލާމިކް މިނިސްޓްރީގެ ފަތުވާއަކާއި ހިލާފަށް އަމަލުކޮށްފައިވާކަން އެނގެން އޮތުމުންނާއި އެކަމުގެ ސަބަބުން ބޮޑަތި ހަމަނުޖެހުންތަކަކާއި ކުރިމަތިލާން ޖެހުމުން އެބޭފުޅުންގެ އިހުމާލް އޮތްކަން އެނގޭތީ ސީޕީ ހަމީދު އަދި އޭސީޕީ ރިޔާޒުގެ މައްސަލަ ބައްލަވައިދިނުމަށެެވެ.
ތިޔަމައްސަލަ ބަލާނެމީހަކު ތިޔަތާކުނެެތް