އިންޑިއާ ސަރުކާރާއި ދިވެހި ސަރުކާރު ގުޅިގެން މިއަދު ހެނދުނު ގަލޮޅު ދަނޑުގައި ބޭއްވި ޔޯގާ ސެޝަނަށް ހުރަސް އެޅި އާންމުންނަށް ފިޔަވަޅު އަޅުއްވާނެ ކަމުގައި ރައީސް އިބްރާހީމް މުހައްމަދު ސޯލިހު ވިދާޅުވެއްޖެއެވެ.
ރައީސް ސޯލިހު ކުރެއްވި ޓުވީޓެއްގައި ވިދާޅުވީ އެކަމާ ދެކޮޅަށް މިއަދު ހެނދުނު އަޑު އުފުލި މީހުންގެ މައްސަލަ ފުލުހުން ބަލަމުން ދާކަމުގައެވެ.
An investigation has been launched by @PoliceMv into the incident that happened this morning at Galolhu stadium.
This is being treated as a matter of serious concern and those responsible will be swiftly brought before the law.
— Ibrahim Mohamed Solih (@ibusolih) June 21, 2022
އެމަނިކުފާނު ފާހަގަކުރެއްވިގޮތުގައި އެކަމުގެ ޒިންމާ ނަގަންޖެހޭ ފަރާތްތައް ގާނޫނުގެ ކުރިމައްޗަށް ގެންނާނެއެވެ.
އިންޓަނޭޝަނަލް ޔޯގާ ޑޭ ފާހަގަކުރުމުގެ ގޮތުން އިންޑިއާ ހައި ކޮމިޝަނާއި އިންޑިއަން ކަލްޗަރަލް ސެންޓަރު އަދި ޔޫތު މިނިސްޓްރީ އިން މިއަދު ހެނދުނު ކުރިއަށްގެންދިޔަ ޔޯގާ ޑޭ ހަރަކާތް ޒުވާނުން ނުކުމެ ވަނީ ހުއްޓުވާފައެވެ.
ގަލޮޅު ދަނޑުގައި ކުރިއަށްދިޔަ މި ހަރަކާތް ހުއްޓުވުމަށް ދީނީ ޝިޔާރު ޖަހާފައިވާ ދިދަތަކަކާއެކު ގަލޮޅު ދަނޑަށް ގިނަ އަދަދެއްގެ ޒުވާނުން ވަދެ ވަނީ އެކަމާ ދެކޮޅަށް އަޑުފުލާފައެވެ. ދަނޑަށް މީހުން ވަނުމާއެކު ޔޯގާ ޑޭ ހަރަކާތުގެ ބައިވެރިން ވަނީ ދަނޑު ދޫކޮށް ގޮސްފައެވެ.
