ފީއަލީ ބިން ހިއްކުމާއި ގޮނޑުދޮށް ހިމާޔަތް ކުރަން އެމްޓީސީސީ އާއި ހަވާލުކޮށްފިއެވެ.
މި މަސައްކަތް އެމްޓީސީސީއާއި ހަވާލު ކުރުމަށް ޕްލޭނިން މިނިސްޓްރީގައި މިއަދު ވަނީ ރަސްމިއްޔާތެއް ބާއްވާފައެވެ. މި މަސައްކަތާ ގުޅޭ އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ އާދަމް އާޒިމެވެ. މިނިސްޓްރީގެ ފަރާތުން ސޮއިކުރެއްވީ ޑިރެކްޓަ ޖެނެރަލް ފާތިމަތު ޝާނާ ފާރޫގެވެ.
މި އެއްބަސްވުމުގެ ދަށުން ފީއަލިން 13.8 ހެކްޓަރުގެ ބިން ހިއްކައި، 1،606 މީޓަރުގެ ސަރަހައްދެއްގައި ރިވެޓްމަންޓް ޖެހާނެއެވެ. އަދި 150 މީޓަރުގެ ސަރަހައްދެއްގައި ގްރޮއިން ޖެހުންވެސް ހިމެނެއެވެ.
މި މަޝްރޫއު އެމްޓީސީސީއާ ހަވާލުކޮށްފައިވަނީ 66.85 މިިލިއަން ރުފިޔާ އަށެވެ. އަދި 450 ދުވަހުގެ ތެރޭގައި މަޝްރޫއު ނިންމަން ޖެހެއެވެ.
