ހުޅުމާލޭ ދެވަނަ ފިޔަވަހީގައި އިމާރާތްކޮއްފައިވާ ހިޔާ ފުލެޓުތަކާއި ހަމައަށް އާމުންނަށް ދެވޭގޮތަށް ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ހުޅުވާލައިފިއެވެ.
އެޗްޑީސީއިން މިއަދު ބުނިގޮތުގައި ހިޔާ ފުލެޓުތަކާއި ހަމައަށް އާންމުންނަށް ވަދެވޭގޮތަށް ހުޅުވާލާފައިވާކަމަށެވެ. އަދި ވަރަށް އަވަހަށް އާންމުންނަށް ވަދެވޭ ހިސާބުގެ މެޕެއް އާންމުކުރާނެ ކަމުގައެވެ.
އާމުންނަށް މީގެ ކުރިން ހުޅުމާލޭ ދެވަނަ ފިޔަވައްސަށް ވަދެވޭގޮތަށް އޮންނަނީ އަމިއްލަ ގެތަކުގައި މީހުން ދިރި އުޅޭ ހިސާބާ ހަމައަށެވެ. ހިޔާ ފުލެޓުތަކާ ހިސާބަށް މީގެ ކުރިން ދެވެނީ ހުއްދަ ހޯދައިގެންނެވެ.
އެޗްޑިސީއިން މިހާރު އަންނަނީ ފުލެޓުތަކަށް ކަރަންޓު ފޯރު ކޮއްދީ ފުލެޓު ލިބުނު ފަރާތްތަކަށް ފުލެޓު ހަވާލު ކުރުމުގެ މަސައްކަތް ކުރަމުންނެވެ.
