މާލޭގެ ބޮޑަތި ހުރިހާ މަގެއްގައި ތާރު އަޅައިގެން ހެދުމުގެ ހުއްދަޔަށް މާލޭ ސިޓީ ކައުންސިލްގެ މޭޔަރ ޑރ މުހައްމަދު މުއިއްޒު އެދެފިއެވެ.
މުއިއްޒު ކުރެއްވި ޓްވީޓެއްގައި ވިދާޅުވީ، މާލޭގެ ބޮޑެތިމަގުތަކުގައި ތާރު އެޅުމުގެ ހުއްދަޔަށް ސަރުކާރުގައި އެދިފައި ވާނެ ކަމުގައެވެ. އަދި އަވަސް މުސްތަގުބަލެއްގައި ތާރު އެޅުމުގެ ހުއްދަ ލިބިގެންދާނެ ކަމުގައި އުންމީދު ކުރާކަމުގައި މުއިއްޒު ވަނީ ވިދާޅުވެފައެވެ.
ސިޓީ ކައުންސިލުން ކުރިޔަށްގެންދާ މާލޭގެ މަގުހެދުމުގެ މަޝްރޫޢުގެ ދަށުން ހެންވޭރުގެ ބައެއް މަގުތަކާއި ގޯޅިތައް ހަދަން މިއަދު ފަށާނެ.އަދި ތާރުއަޅައިގެން މާލޭގެ ބޮޑެތި ހުރިހާ މަގެއް ހެދުމުގެ ހުއްދައަށް ސަރުކާރުގައިވާނީ އެދިފައި. އުއްމީދަކީ އެ ހުއްދަ ވީހާވެސް އަވަހަކަށް ލިބިގެންދިޔުން pic.twitter.com/lRaWuuIDJl
— Dr Mohamed Muizzu (@MMuizzu) August 17, 2021
މުއިއްޒުގެ ޓްވީޓްގައި ހެންވޭރުގެ މަގުތައް ހަދަން ސިޓީ ކައުންސިލް ރާވާފައިވާ ގޮތުގެ މައުލޫމާތު ހާމަކުރައްވާފައިވެ އެވެ. މުއިއްޒު ވިދާޅުވި ގޮތުގައި ހެންވޭރުގެ މަގުތައް ހެދުމުގެ މަސައްކަތް މިއަދު ވަނީ ފަށައިފަ އެވެ.
