އެމްޑީޕީގެ ރައީސް، މުޙައްމަދު ނަޝީދު އެޕާޓީން ވަކިވެވަޑައިގެންނެވުމުން އެމްޑީޕީ ހިންގާލުމަށް މަގުފަހިވެއްޖެ ކަމަށް އެޕާޓީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެއެވެ.
އެމްޑީޕީން ވަކިވެވަޑައިގެންނެވި ކަން އިއުލާން ކުރައްވައި ރައީސް ނަޝީދު ވަނީ އެމްޑީޕީގެ ޗެއާޕާސަން ފައްޔާޒް އިސްމާއީލަށް ސިޓީފުޅެއް ފޮނުވާފައެވެ. އަދި އެ ސިޓީ ފުޅު ގައި ނަޝީދު ވިދާޅުވީ ރާއްޖޭގެ ކަންކަން މިހާރު ހިނގަމުންދާ ގޮތައް ބަލާއިރު އެމަނިކުފާނު އެމްޑީޕީގައި ހުރުން އެއީ އެންމެ ރަނގަޅު ގޮތް ކަމަށް ނުދެކޭ ކަމަށެވެ. އެހެންކަމުން އެމްޑީޕީން އިސްތިއުފާ ދެއްވާފައިވާ ކަމަށްވެސް އެ ސިޓީގައި ވިދާޅުވިއެެވެ.
ޕާޓީއިން ވަކިވެ ވަޑައިގެންނެވި ކަން އިއުލާނު ކުރައްވާ ފައްޔާޒަށް ފޮނުއްވި ސިޓީ ރައީސް ނަޝީދު ޓްވިޓާގައި ހިއްސާކުރުމުނ އެ ޓްވީޓަށް ރައްދު ދެއްވާ ފައްޔާޒް ވިދާޅުވީ އެމްޑީޕީގެ ރައީސް މުޙައްމަދު ނަޝީދު އެ ޕާޓީން ވަކިވެވަޑައިގަތުމަކީ ހިތާމަކުރައްވާ ކަމެއް ކަމަށާއި، އެހެން ނަމަވެސް، އެމަނިކުފާނުގެ އެ ނިންމެވުމުގެ ސަބަބުން ޕާޓީ ހިންގުމަށް މަގުފަހިވެގެން ގޮސްފިކަމަށެވެ.
On behalf of MDP and myself I wish President @MohamedNasheed well and success. Whilst this is a sad day, this also paves the way for all parties to move forward in their chosen paths. Thank you for your dedication to MDP and the success achieved under your leadership. https://t.co/1aorSg4yyg
— Fayyaz Ismail (@faya_i) June 21, 2023
އެމްޑީޕީގެ ބާނީ ރައީސް ނަޝީދު އެމްޑީޕީން ވަކިވެވަޑައިގެންފައި މިވަނީ، އެމަނިކުފާނަށް ވަފާތެރި މެމްބަރުންތަކެއް އެމްޑީޕީއިން ވަކިވެ ’ދަ ޑިމޮކްރެޓްސް’ގެ ނަމުގައި ޕާޓީއެއް އުފެއްދުމަށް ނިންމާ އެ ޕާޓީ ރެޖިސްޓްރީ ކުރަން އިލެކްޝަންސް ކޮމިޝަނަށް ހުށަހަޅާފައިވާ ދަނޑިވަޅެއްގައެވެ. އެހެންނަމަވެސް ދަ ޑިމޮކްރެޓްސް އުފެއްދުމުގެ ހުއްދަ އިލެކްޝަންސް ކޮމިޝަނުން ހުއްޓުވާފައިވާއިރު، އެ ކޮމިޝަންވެސް އޮތީ މަރުތަޅު އެޅިފައެވެ.
