ސްރީލަންކާގެ ރައީސް ގޮތަބަތާ ރާޖަޕަކްސަ ފިލުވުމުގައި ދިވެހި ސަރުކާރު އަދާ ކުރި ރޯލަށް މަޖިލިސް ރައީސް މުހައްމަދު ނަޝީދުގެ ތައުރީފް ރައްދު ކުރައްވައިފިއެވެ.
ރައީސް ނަޝީދު ކުރެއްވި ޓުވީޓެއްގައި ވިދާޅުވީ ލަންކާގެ ރައީސް އެގައުމުގައި ހުންނެވި ނަމަ އިސްތިއުފާ ނުދެއްވާނެ ކަމުގައެވެ. ސަބަބެއްގެ ގޮތުގައި ނަޝީދު ފާހަގަކުރެއްވީ ގޮތަބަޔާގެ ފުރާނައަށް ނުރައްކާ ވުމެވެ.
”އެކަމަށްޓަކައި ދިވެހި ސަރުކާރުން ކޮށްދެއްވި އަގު ހުރި ހިދުމަތަށް ޝުކުރު އަދާ ކުރަން.“ ރައީސް ނަޝީދު ވިދާޅުވިއެވެ.
ރައީސް އިބްރާހީމް މުހައްމަދު ސޯލިހުގެ ސަރުކާރަށް ތައުރީފް ކުރެއްވުމަށްފަހު ނަޝީދު ވަނީ ލަންކާގެ ރައްޔިތުންނަށް ހެޔޮ އެދުންތައް ފޮނުއްވަވާފައެވެ.
🇱🇰 President GR has resigned. I hope Sri Lanka can now move forward. I believe the President would not have resigned if he were still in Sri Lanka, and fearful of losing his life. I commend the thoughtful actions of the Govt of Maldives. My best wishes to the people of Sri Lanka.
— Mohamed Nasheed (@MohamedNasheed) July 14, 2022
ރައީސް ގޮތަބަޔާ ފިއްލަވައިގެން ރާއްޖެ ވަޑައިގަތުމަށްފަހު ސިންގަޕޫރަށް ވަޑައިގަތީ މިއަދު ހެނދުނު 11:30 އެހާކަންހާއިރު ސައުދިއާގެ މަތިންދާ ބޯޓެއްގައެވެ. ގޮތަބަޔާ ގައުމުން ފިއްލެވީ ރިޔާސީ ގަނޑުވަރުތެރެއަށް ލަންކާ ރައްޔިތުން ވަދެ މުޒާހަރާ ކުރުމުގެ ކުރިންނެވެ.
ލަންކާ ބަނގުރޫޓު ކޮށްލިކަމުގެ ބޮޑެތި ތުހުމަތުތަކެއް ރައީސް ގޮތަބަޔާއަށް އެގައުމުގެ ރައްޔިތުން އަންނަނީ ކުރަމުންނެވެ.
