ސަރުކާރުން ދަރަނި ނަގައިގެން ކުރިނީ ހުސް އިސްރާފު ކަމަށް ޕީޕީއެމް ގެ އެޑްވައިޒަރު އަދި ކުރީގެ ނައިބް ރައީސް ޑރ. މުޙައްމަދު ޖަމީލް އަޙްމަދު ވިދާޅުވެއްޖެއެވެ.
ޑރ. ޖަމީލް ކުރެއްވި ޓްވީޓެއްގައި ވިދާޅުވީ މިވަގުތަކީ އެއްވެސް ބާވަތެއްގެ ޓެކްސްއެއް އިތުރުކުރަންޖެހޭ ވަގުތެއް ނޫން ކަމަށެވެ. އަދި ސަރކާރަށް އަމާޒުކޮށް، ދަރަނި ނަގައިގެން ތިކުރަނީ ހުސް އިސްރާފު ކަމަށް ވިދާޅުވިއެވެ.
މި ޓްވީޓިގައި ޑރ. ޖަމީލް ވަނީ ކިޑަކުރި ހަރަދެއް އެބަ އޮތްތޯ އާއި މިހާރު ތިބީ ދަރަނި ދަންތުރަ އެއްގައި ނޫންތޯ ސުވާލުކުރައްވާފައެވެ. އަދި އިތުރަށް އޮޅުވާނުލައި ރައްޔިތުންގެ ޖީބަށަ އަތް ބޭނުން ހުއްޓަލަން އިލްތިމާސް ކުރައްވަމުން ވަނީ ބައިސާ ކަންޑަން ތިއްވާ އިންދަޖެހުނީތޯ ސުވާލުކުރައްވާފައެވެ.
އެއްވެސް ބާވަތެއްގެ ޓެކްސްއެއް އިތުރުކުރަންޖެހޭ ވަގުތެއް ނޫން މިއީ. ދަރަނި ނަގައިގެން ތިކުރީ ހުސް އިސްރާފު. ކުޑަކުރި ޚަރަދެއް އެބައޮތް؟ މިހާރު ތިތިބީ ދަރަނި ދަންތުރައެއްގައި ނޫންތަ؟ އިތުރަށް އޮޅުވާނުލައި ރައްޔިތުންގެ ޖީބަށް އަތްބޭނުން ހުއްޓާލާ. ބާސާ ކަނޑަން ތިއްބާ އިނދެޖެހުނީ؟ pic.twitter.com/luM9XUCgay
— Mohamed Jameel Ahmed (@MJameelAhmed) July 6, 2022
ޑރ. ޖަމީލް ގެ މި ޓްވީޓަކީ މުދަލާ ހިދުމަތުގެ އަގުން ނަގާ ޓެކްސް ސަރުކާރުން ބޮޑު ކުރަން ނިންމުމާ ގުޅިގެން ކުރެއްވި ޓްވީޓެކެވެ. އެގޮތުން ފިނޭންސް މިނިސްޓަރ އިބްރާހިމް އަމީރު މިއަދު ވިދާޅުވީ، ދައުލަތަށް ލިބޭ އާމްދަނީ އިތުރުކުރުމަށް އަޅާ ފިޔަވަޅެއްގެ ގޮތުން ޓީޖީއެސްޓީ %12 އިން %16 އަށް އަދި ޖީއެސްޓީ %6 އިން %8 އަށް ބޮޑުކުރަން ނިންމާފައިވާ ކަމަށެވެ.
