ވެލާނާ އިންޓަނޭޝަނަލް އެއަރޕޯޓުގެ ސަލަމާތީ ކަންކަން ވަރުގަދަކޮށްފިއެވެ.
އެމްއެންޑީއެފުން ބުނީ އެއަރޕޯޓުގެ ސަލާމަތީ ކަންކަން ވަރުގަދަކުރީ ލިބުނު މައުލޫމާތަކާ ގުޅިގެން ކަމަށެވެ. އެހެން ނަ،މަވެސް އެއީ ކޮން މައުލޫމާތެއްކަން އެމްއެންޑީއެފުން ހާމައެއް ނުކުރެއެވެ. އެއަރޕޯޓުގެ ސަލާމަތީ ކަންކަން ވަރުގަދަ ކޮށްފައިވަނީ މަޖިލިސް ރައީސް މުހައްމަދު ނަޝީދަށް އަމާޒުކޮށް ހަމަލާ ދިންތާ 8 ދުވަސް ފަހުންނެވެ.
ރެއިން ފެށިގެން ފުލުހުންނާއި ސިފައިން އަންނަނީ އެއަރޕޯޓަށް ވަދެ ނިކުމެ ހަދާ އުޅަނދުތައްވެސް ބަލައި ފާސްކުރަމުންނެވެ. އަދި ފުލުހުންގެ ސްޕެޝަލް އޮޕަރޭޝަންގެ ޓީމުތަކާއި ހަތިޔާރު އެޅި ސިފައިން އެއަރޕޯޓުގެ އެކި ސަރަހައްދުގައި ފޯރި މަރަމުން ދެއެވެ. މީގެ އިތުރުން ރާއްޖޭގެ ބައެއް ރަށްރަށުގައިވެސް ސިފައިން އަންނަނީ ހަތިޔާރާއެކު ހަރަކާތްތެރި ވަމުންނެވެ.
