ކޯވިޑް-19 ޖެހިގެން ރާއްޖެއިން އިތުރު 3 މީހުން މަރުވެއެއްޖެއެވެ.
އެޗްޕީއޭއިން ކުރި ޓުވީޓެއްގައި ބުނީ ހުޅުމާލެ ފެސިލިޓީގައި ފަރުވާ ދެމުން ދިޔަ 86 އަހަރުގެ މީހަކާއި 64 އަހަރުގެ މީހަކު މަރުވެފައިވާ ކަމަށެވެ. އެ ދެމީހުންނަކީވެސް ދިވެހިންނެވެ. ތިންވަނައަށް މަރުވަީ ދަރުމަވަންތަ ހޮސްޕިޓަލުގައި ފަރުވާ ދެމުންދިޔަ 86 އަހަރުގެ ދިވެހި އަންހެނެކެވެ. މިއާއެކު ރާއްޖެއިން މިބަލީގައި މަރުވި މީހުންގެ އަދަދު މިވަނީ 90 އަށް އަރާފައެވެ.
ކޯވިޑު ބަލީގައި ރާއްޖެއިން މަރުވާ މީހުންނަކީ ދޮށީ އުމުރުގެ މީހުންނެވެ. ބަލީގެ ހާލަތު ގޯސްވެފައިވާއިރު، ފިޔަވަޅުތައް އެޅުމުގައި ދެކޮޅު ނުޖެހޭ ކަންކަން ސަރުކާރުން ކޮށްފައި އެބަހުއްޓެވެ. އޭގެ ތެރޭގައި ރާއްޖެއިން ބޭރުން އަންނަ ފަތުރުވެރިން ކަރަންޓީނު ނުވާގޮތަށް ދިގު މުއްދަތަކަށް ހަދާފައި އޮތް އޮތުން ހިމެނެއެވެ.
