ކްރިމިނަލް ކޯޓުގެ ފަނޑިޔާރު ކަމުގެ މަގާމަށް ކުރިމަތިލާން ހުޅުވާލި ފުރުސަތުގައި 8 ބޭފުޅަކު ކުރިމަތިލައްވައިފިއެވެ.
ކޯޓަށް ގާޒީއަކު ހޯދަން ޖުޑީޝަލް ސާވިސް ކޮމިޝަން (ޖޭއެސްސީ) އިން އިއުލާނު ކުރީ މިދިޔަ ޖުލައި މަހުގެ ހަތް ވަނަ ދުވަހުއެވެ.
ކްރިމިނަލް ކޯޓުގެ ގާޒީ ކަމަށް ކުރިމަތިލެއްވި މީހުން:
- ސިޔާމާ މުހައްމަދު / ދަފްތަރު ނަންބަރު ރސ 13194 މާލެ
- އިބްރާހީމް އިޙްސާން / އެށެވެލި، ސ. މަރަދޫ
- އާމިނަތު އަޒްލިފާ / ގުލާބީގެ، ރ. ރަސްގެތީމު
- އަމްޖަދު އަބްދުލްޣަނީ / ސޯސަންމާގެ، ފ .ބިލެތްދޫ
- މުހައްމަދު ޢާސިރު / ހެޕީކޯނަރ، ގއ. ކަނޑުހުޅުދޫ
- ސުލައިމާން މުޙައްމަދު / ނޫރާނީގެ، ޅ. ކުރެންދޫ
- ރުޝްދުﷲ އިބްރާހީމް / ޖަވާހިރުމާގެ، ބ. މާޅޮސް
- އުއްމުކުލްސޫމް އަބޫބަކުރު / ރަނައުރާގެ، ބ. ހިތާދޫ
ގާޒީން ހޯދަން އިއުލާނުކޮށްފައި ވަނީ މުސާރަ އާއި އިނާޔަތުގެ ގޮތުގައި މަހަކަށް 48،300 ރުފިޔާގެ މަގުންނެވެ. އަދި ރައްޔިތުންގެ މަޖިލީހުން ކަނޑައަޅާ ވަކި ގޮތެއްގެ މަތިން މެޑިކަލް އިންޝުރެންސާއި ފޯން އެލަވަންސް ލިބޭނެއެވެ.
