އަނިޔާވެރި ޢަމަލުތަކަށް ޙައްޤު އަދަބުތައް ކަނޑައެޅިފައިވަނީ އިސްލާމީ ޝަރީޢަތުގައި ކަމަށް ޕީޕީއެމްގެ އެޑްވައިޒަރު އަދި ކުރީގެ އިސްލާމިކް މިނިސްޓަރު ޑރ.މުހައްމަދު ޝަހީމް ވިދާޅުވެއްޖެއެވެ.
ޑރ.ޝަހީމް މިހެން ވިދާޅުވެފައި މި ވަނީ މިދިޔަ ހޮނިހިރު ދުވަހުގެރޭ އަނިޔާވެރި ގޮތަކަށް މާލޭގައި ޒުވާން އަންހެނަކު މަރާލާފައިވާ ދަނޑިވަޅެއްގައެވެ.
ޑރ.ޝަހީމް ކުރެއްވި ޓްވީޓެއްގައި ވިދާޅުވީ ރާއްޖޭގެ ޤާނޫނު އަސާސީން ބާރު ލިގެންވާ މަގުން، ޤާނޫނޫލް ޢުޤޫބާތުގައިވާ ގޮތުގެ މަތިން ރާއްޖޭގައި އިސްލާމީ ޝަރީޢަތުގައި ބަޔާންވެގެން ޤިޞާޞްގެ ޙުކުމް ތަންފީޒުކުރަންޖެހޭ ކަމަށެވެ. އަދި އަނިޔާވެރި ޢަމަލުތަކަށް ޙައްޤު އަދަބުތައް ކަނޑައެޅިފައިވަނީ އިސްލާމީ ޝަރީޢަތުގައި ކަމަށް ޝަހީމް ވިދާޅުވިއެވެ.
ދިވެހިރާއްޖޭގެ ޤާނޫނު އަސާސީއިން ބާރު ލިގެންވާ މަގުން، ޤާނޫނޫލް ޢުޤޫބާތުގައިވާ ގޮތުގެ މަތިން ދިވެހިރާއްޖޭގައި އިސްލާމީ ޝަރީޢަތުގައި ބަޔާންވެގެން ޤިޞާޞްގެ ޙުކުމް ތަންފީޒުކުރަންޖެހޭ. އަނިޔާވެރި ޢަމަލުތަކަށް ޙައްޤު އަދަބުތައް ކަނޑައެޅިފައިވަނީ އިސްލާމީ ޝަރީޢަތުގަ.
— Mohamed Shaheem Ali Saeed (@Mohamedshaheem1) August 7, 2022
ވަރަށް ރަހުމު ކުޑަކޮށް މަރާލައިފައިވާ ޝިއާއު މުހައްމަދު ސައީދު ގެ ގާތިލް ކަމަށް ފުލުހުން ތުހުމަތު ކުރާ އަލީ ޝާހިލް އަށް މަރުގެ އަދަބު ދިނުމަށް ސޯޝަލް މީޑިއާގައި ރައްޔިތުންނާއި، ރާއްޖޭގެ ދީނީ އިލްމުވެރިންގެ އިތުރުން ސިޔާސީ ބޭފުޅުންވެސް އަންނަނީ ގޮވާލަމުންނެވެ.
