ލަންކާގެ ރައީސް ގޮޓަބަޔާ ރާޖަޕަކްސަ އެ ޤައުމުން ފިއްލަވައިގެން ދިވެހިރާއްޖެއަށް ވަޑައިގަތުމަށް ލަންކާއިން ފުރާވަޑައިގެންފިކަމަށް ލަންކާގެ މަސްދަރުތަކާއި ހަވާލާދީ އޭއެފްޕީން ރިޕޯޓުކޮށްފިއެވެ.
ލަންކާ ނޫސްވެރިއަކު ވަނީ މިކަމާއިގުޅިގެން ޓްވީޓެއް ކޮށްފައެވެ.
ނޫސްވެރިޔާ މުންޒާ މުޝްތާޤު ކުރި ޓުވީޓެއްގައި ބުނީ ލަންކާއިން ފިއްލަވައިގެން ރައީސް ގޮޓަބަޔާ ދަތުރުކުރައްވާ މަތިންދާބޯޓު މިރޭ ދަންވަރު 2:50 ހާއިރު ވެލާނާ އިންޓަނޭޝަނަލް އެއާޕޯޓަށް ޖައްސާނެ ކަމަށެވެ.
Gotabaya Rajapaksa is scheduled to arrive in Maldives at 0250 (MLE Time). Just 20 minutes from now.
So, it's official. The President has fled the country.#LKA #SriLanka #GoHomeGota— Munza Mushtaq (@munza14) July 12, 2022
މިރޭގެ ވަގުތެއްގައި ގޮޓަބަޔާ ލަންކާއިން ފިއްލަވައިގެން ރާއްޖެ ވަޑައިގަންނަވާކަމަށް ލަންކާގެ ބައެއް ނޫސްވެރިންނާއި އެކްޓިވިސްޓުން ވަނީ ރިޕޯޓުކޮށްފައެވެ. އެހެން ނަމަވެސް މިކަމާއި ގުޅިގެން ދިވެހި ރާއްޖޭގެ ކަމާއިބެހޭ އެއްވެސް އިދާރާއަކުން އަދި އެއްވެސް މައުލޫމާތެއް ހާމަކޮށްފައެއް ނުވެއެވެ.
@MohamedNasheed has pressured Maldives President Solih to grant clearance for President Gotabaya Rajapaksa who is on the run to land in Maldives. @GotabayaR to stay in a resort, and then head to UAE.
High security at the Velana International Airport. #LKA #SriLanka #GoHomeGota— Munza Mushtaq (@munza14) July 12, 2022
ލަންކާއަށް ކުރިމަތިވެފައިވާ އިޤުތިޞާދީ ތަދުމަޑުކަމާއި ގުޅިގެން އެ ޤައުމުގެ ރައްޔިތުން ދަނީ މެދުކެނޑުމެއް ނެތި އިހުތިޖާޖުކޮށް ގޮޓަބަޔާ ރާޖަޕަކްސައާއި ރާޖަޕަކްސަ އަދި ސަރުކާރުގެ އިސްމަގާމް ތަކުގައި ތިއްބެވި އެ އާއިލާގެ އެންމެންގެ އިސްތިއުފާ އަށް ގޮވާލަމުންނެވެ.
މުޒާހަރާތަކާއި ގުޅިގެން ބޮޑުވަޒީރު މަހިންދަ ރާޖަޕަކްސަ ގެ އިތުރުން އޭނާގެ ދަރިކަލުން ނަމާލް ރާޖަޕަކްސައާއި، އެ އާއިލާގެ އެހެން ބޭފުޅުންވެސް ވަނީ ވަޒީރުކަމުން އިސްތިއުފާދެއްވާފައެވެ.
Just received this video clip via Twitter which was apparently taken at the Male airport a few minutes back. https://t.co/pbAWySCAMJ
— Munza Mushtaq (@munza14) July 12, 2022
ނަމަވެސް ރައީސް ކަމުގައި ހުންނެވި ގޮޓަބަޔާވަނީ ރައީސްކަމުން އިސްތިއުފާދެއްވަން ދެކޮޅު ހައްދަވާފައެވެ.
ގޮޓަބަޔާ މަޤާމުން އިސްތިއުފާ ދެއްވާނެކަން އިއުލާނުކުރެއްވީ ހޮނިހިރުދުވަހު އެ ޤައުމުގައި ކުރިއަށްދިޔަ ބޮޑު މުޒާހަރާގެ ތެރެއިން ލަންކާގެ އެތައްހާސް ރައްޔިތުން ރިޔާސީ ގަނޑުވަރަށް ވަދެ ހިންގި ހަމަނުޖެހުމާއި ގުޅިގެންނެވެ. ގަނޑުވަރަށް އާންމުން ވަނުމުގެ ކުރިން ގޮޓަބަޔާ ވަނީ ގަނޑުވަރު ދޫކުރައްވައި ރައްކާތެރި ތަނަކަށް ވަޑައިގެންފައެވެ.
ލަންކާގެ ސިޔާސީ މަސްރަހު ހޫނުވެފައިވާ މިދަނޑުވަޅުގައި ގޮޓަބަޔާ އަށް ދިވެހި ރާއްޖެއިން ހިމާޔަތް ދިނުމާއިމެދު ލަންކާގެ ގިނަބަޔަކު ދަނީ ނުރުހުން ފާޅުކުރަމުންނެވެ.
.
