ލަންކާގެ ރައީސް ގޮޓަބަޔާއަށް ރާއްޖެއިން ހިމާޔަތް ދިނުމާއި ދެކޮޅަން އެގައުމުގެ ރައްޔިތުން ކުރަމުންދާ މުޒާހަރާގެ ބައިވެރިއަކު ފުލުހުންގެ ބެލުމުގެ ދަށަށް ގެންގޮސްފިއެވެ.
ފުލުހުން މިހާރު ދަނީ މަޑުމަޑުން މި މުޒާހަރާ ރޫޅާލުމަށް މަސައްކަތްކުރަމުންނެވެ. އެގޮތުން މުޒާހަރާގެ ބައިވެރިންގެ އަތުގައި ހުރި ދިދަތަކާއި، ބޯޑުތައް އަތުލާފައިވާއިރު، އެސަރަހައްދު ދޫކޮށް ދިޔުމަށް ފުލުހުން ދަނީ އިލްތިމާސް ކުރަމުންނެވެ.
ފާހަގަކޮށްލެވޭ ގޮތުގައި ލަންކާގެ ރައްޔިތުން ކުރަމުން މިދާ މުޒާހަރާ ކުރަމުންދަނީ މުޒާހަރާ ކުރުން މަނާ ނޫން ސަރަހައްދެއްގައެވެ. އެހެން ނަމަވެސް މުޒާހަރާ ފެށުމާއެކު ފުލުހުން ވަނީ އެސަރަހައްދަށް ގޮސްފައެވެ.
ލަންކާގެ ރައީސް ގޮޓަބަޔާއަށް ރާއްޖެއިން ހިމާޔަތް ދިނީ މަޖްލީހުގެ ރައީސް މުހައްމަދު ނަޝީދުގެ އެދިލެއްވުމަކަށެވެ. މިކަމާ ގުޅިގެން އެމަނިކުފާނަށް އެތައް ބައެއްގެ ފާޑުކިޔުން ވަނީ އަމާޒުވެގެން ގޮސްފައެވެ.
Miee maale thereyga varah kureega ulhey meeheh
gavaaidhaa eggothah ulhey golaeh tho balaalajchey