2023 ވަނަ އަހަރުގެ ރިޔާސީ އިންތިހާބުގައި ތާއީދު ކުރައްވާނީ ރައީސް އިބްރާހީމް މުހައްމަދު ސޯލިހަށް ކަމުގައި ޑިފެންސް މިނިސްޓަރު މާރިޔާ އަހުމަދު ދީދީ ވިދާޅުވެއްޖެއެވެ.
އެކަމަނާ މިފަދައިން ވިދާޅުވީ މިއަދު ރައީސް ސޯލިހަށް ވަރަށް ބޮޑަށް ތައުރީފް ކުރައްވައި ކުރެއްވި ޓްވީޓެއްގައެވެ.
”ރައީސް ސޯލިހަކީ ކެތްތެރި، ކުޅަދާނަ، އިހުލާސްތެރި، ކަންކަން އަޑުއައްސަވާ އެހެން މީހުންގެ ޚިޔާލު ބަލައިގަންނަ އަދި ކަންކަން ނިންމެވުމުގައި ވަރަށް ވެސް ގާބިލް ބޭފުޅެއް.“ މާރިޔާ ވިދާޅުވިއެވެ.
I have worked with HEP @ibusolih as part of his cabinet from 17 Nov 2018 & found him to be a great team leader, patient, willing to listen with an open mind but decisive when needed. I fully endorse him and support his candidacy in his presidential bid for 2023.
— Mariya Didi 🎈 (@MariyaDidi) June 14, 2022
އެންމެފަހުން ބޭއްވުނު ނޫސްވެރިންގެ ބައްދަލުވުމުގައި ރިޔާސީ ދެވަނަ ދައުރަކަށް ރައީސް ސޯލިހް ކުރިމަތި ލައްވާނެ ކަމަށާ އަދި ދެވަނަ ދައުރެއް ބޭނުންވާނަމަ، އެމަނިކުފާނާއެކީ ތިބުމަކީ އެންމެ ރަނގަޅު ”ޗޮއިސް“ ކަމަށް ރައީސް ސޯލިހް ވަނީ ވިދާޅުވެފައެވެ.
2023 ވަނަ އަހަރުގެ ރިޔާސީ އިންތިހާބުގައި ވާދަކުރައްވާނެކަމަށް އެމްޑީޕީގެ ރައީސް، ރައީސް މުހައްމަދު ނަޝީދު ވެސް ވަނީ މީގެކުރިން އިއުލާނު ކުރައްވާފައެވެ.
