އިންޑިއާ އަށް ނޫނެކޭ ބުނާ ބެނާއެއް ރައީސް އިބްރާހިމް މުހައްމަދު ސޯލިހުގެ އަނބިކަނބަލުން ފަޒްނާ އަހުމަދުގެ ބައްޕަ، ސިއްކަ އަހުމަދު އިސްމާއިލް މަނިކު ދިރިއުޅޭ ގެ ކައިރީގައީ ހުރި އިމާރާތެއްގައި ދަމައިފިއެވެ.
19 ދިވެހިން ޝަހީދުކޮށްލި މައްސަލައިގައި ޖަލަށް ލި ސިއްކަ ދިރިއުޅޭ ގެ ކަމަށްވާ މ.ދީފްރަމްއާގެ އާ ޖެހިގެން ހުންނަ މ.ބީޗު ހެވަން ގޭގެ އިމާރާތުގައި މިބެނާ ހަރުކޮށްފައިވަނީ ރޭގެ ވަގުތެއްގައެވެ.
ބެނާގައި ”ނޯ“ ނުވަތަ ނޫނެކޭ ލިޔެފައިވަނީ އިންޑިއާ ދިދައިގެ މެދުގައި ހުންނަ ބޮޅާއި ކުލަތައް ބޭނުން ކޮށްގެނެވެ.
އިންޑިއާ އައުޓު ކެމްޕެއިން ހުއްޓުވަން ރައީސް ސޯލިހު ގަރާރު ނެރުއްވިފަހުން އެ ކެމްޕެއިން ހައްދުފަހަނައަޅާވަރަށް ވަނީ ފުޅާވެފައެވެ.
