ރައްޔިތުން މަޖިލީހުގެ ރައީސް މުހައްމަދު ނަޝީދަކީ ރައްޔިތުންނަށް ބޮޑު ބުރައަކަށް ވެއްޖެކަމަށާއި ރިޓަޔާ ކުރެއްވުމަށްފަހު އެހެން ގޮތެއް ހޯއްދެވުމަށް ކުރީގެ ނައިބު ރައީސް ޑރ. މުޙައްމަދު ޖަމީލް އަހްމަދު ނަޝީދަށް ގޮވާލައްވައިފިއެވެ.
ޖަމީލް ކުރެއްވި ޓުވީޓެއްގައި ވިދާޅުވީ އެތައް ހާސް ރައްޔިތުންގެ ބޯހިޔާވަހިކަމަށް ކުރަން ޖެހޭ ހަރަދު ހޭދަ ވެގެން މި ދަނީ ނަޝީދުގެ ގަނޑުވަރުކޮޅަށާއި ހޮޓަލަށާއި ސެކުއިރިޓީއަށް ކަމަށެވެ.
އެތައް ހާސް ރައްޔިތުންނެއްގެ ބޯހިޔާވަހިކަމަށް ކުރަންޖެހޭ ޚަރަދު މިކުރަނީ ރައީސް ނަޝީދުގެ ގަނޑުވަރުކޮޅާއި ހޮޓަލާއި ސެކިއުރިޓީއަށް. ރައްޔިތުންނަށް ބަލަދުއެރީތޯ؟ މަނިކުފާނަކީ މިއަދު ރައްޔިތުންނަށް ބޮޑު ބުރައަކަށްވެއްޖެ. ރިޓަޔަރ ކުރެއްވުމަށްފަހު ތިނޫން ގޮތެއް ހޯއްދަވާ. pic.twitter.com/vDGp47HGuY
— Mohamed Jameel Ahmed (@MJameelAhmed) October 14, 2021
ސަރުކާރުން ހަމަޖައްސަވާ ގެކޮޅު ނިމެންދެން ރައީސް ނަޝީދު މިވަގުތު ހުންނެވީ ސަރުކާރުގެ ހަރަދުގައި ހޮޓެލް ޖެންގައި ކަމަށް އިއްޔެ ބޭއްވެވި ނޫސްވެރިންގެ ބައްދަލުވުމުގައި އެމަނިކުފާނު ވަނީ ވިދާޅުވެފައެވެ.
