ގައުމަށް ގައްދާރުވެފައި ތިބި ސިޔާސީ ލީޑަރުން އިންތިހާބު ބޯމަތިވާއިރަށް ރައްޔިތުން ކުރިމައްޗަށް އަންނަ އައުން ނިމުމަކަށް ގެންނަން ޖެހޭ ކަމަށް މާލެ ސިޓީ ކައުންސިލްގެ ޑެޕިއުޓީ މޭޔަރު އަހްމަދު ނަރީޝް ވިދާޅުވެއްޖެ އެވެ.
ނަރީޝް ކުރެއްވި ޓްވީޓެއްގައި ވިދާޅުވީ ތިމާގެ ހައްގު ގައުމުގެ ހައްގަށްވުރެ ބޮޑުކޮށް، އަމިއްލަ އެދުމަށް 9 ވަނަ ހަސަން ރަސްގެފާނުގެ ދެދަރިން ފަދައިން މިގައުމަށް ގައްދާރުވެފަތިބި ސިޔާސީ ލީޑަރުން އިންތިހާބު ބޯމަތިވާއިރަށް ރައްޔިތުން ކުރިމައްޗަށް އަންނަ އައުން ނިމުމަކަށް ގެންނަން ޖެހޭ ކަމަށެވެ. އަދި ތާއަބަދަށް ރައްޔިތުން ގުބޯ ނުހެއްދޭނެ ކަމަށްވެސް ނަރީޝް ވިދާޅުވިއެވެ.
ތިމާގެ ހައްޤު ގައުމުގެ ހައްޤަށްވުރެެ ބޮޑުކޮށް އަމިއްލަ އެދުމަށް 9 ވަނަ ހަސަން ރަސްގެފާނުގެ ދެދަރިން ހެން މި ގައުނަށް ޢައްދާރުވެފައި ތިބި ސިޔާސީ ލީޑަރުން ރައްޔިތުން ކުރިމައްޗަށް އިންތިހާބު ބޯމަތިވާއިރަށް އަންނަ އައުން ނިމުމަކަށް ގެންނަން ޖެހޭ! ތާއަބަދު ރައްޔިތުން ގުބޯ ނުހެއްދޭނެ!
— Ahmed Narysh (@ahmed_narysh) September 1, 2021
ނަރީޝް މިފަދައިން ވިދާޅުވެފައި މިވަނީ 2023 ގެ ރިޔާސީ އިންތިހާބަށް ގިނަ ޕާޓީތަކަކުން ޝައުގުވެރިކަން ފާޅުކުރަމުން ދާ ދަނޑިވަޅެއްގައި އެވެ.
