ތ.ވިލިފުށީގައި 100 ހައުސިން ޔުނިޓް އެޅުމަށް އަމީން ކޮންސްޓްރަކްޝަން އާއި ހަވާލު ކޮށްފިއެވެ.
މި މަޝްރޫއަކީ ނޫމަޑިން 2011 ވަނަ އަހަރު ފެށި މަޝްރޫއެކެވެ. ނަމަވެސް 2014 ގައި އެ މަސައްކަތްވަނީ ހުއްޓިފައެވެ. އޭރު މިޝްރޫއުގެ ދަށުން އިމާރާތްކުރުމަށް ހަމަޖެހިފައިވާ 100 ހައިސިން ޔުނިޓުގެ ތެރެއިން އިމާރާތްކުރަން ފެށިފައިވަނީ 64 ހައުސިން ޔުނިޓެވެ.
މި މަޝްރޫއުގައި ހައުސިން މިނިސްޓްރީގެ ފަރާތުން ސޮއިކުރެއްވީ ހައުސިން ޑިޕާޓްމެންޓް ޑިރެކްޓަރ އަހްމަދު ވިޝާން ނަސީމެވެ. އަމީން ކޮންސްޓްރަކްޝަންގެ ފަރާތުން އެއްބަސްްވުމުގައި ސޮއިކުރީ އެކުންފުނީގެ މެނޭޖިން ޑިރެކްޓަރ އަބްދުﷲ މުހަންމަދެވެ.
މި މަޝްރޫއު ހަވާލު ކޮއްފައިަނީ 240 ދުވަހުގެ ތެރޭގައި ނިންމާގޮތަށެވެ. މިި މަޝްރޫއުގެ އަގަކީ 82.1 މިލިއަން ރުފިޔާއެވެ.
