މާލޭ ސިޓީ ކައުންސިލުން ވެހިކަލްތަކަށް ކުއްޔަށް ދޫކުރާ ޕާކިން ސްލޮޓުތައް ގަރާޖު ގޮތުގައި ރަޖިސްޓްރީ ކޮށްގެން ބޭނުން ކުރެވޭ ގޮތް ހަދަން ނިންމައިފިއެވެ.
މާލެ ސިޓީގެ މޭޔަރ ޑރ.މުހައްމަދު މުއިއްޒު އިއްޔެ ނޫސްވެރިންނާ ބައްދަލު ކުރައްވައި ވިދަޅުވީ މިހާރު ހުސްކޮށް ހުރި ސްލޮޓުތަކާއި އަލަށް ހަދާ ސްލޮޓުތައް ވެހިކަލްތަކަށް ދޫކުރަން ނިންމާފައިވާ ކަމަށާއި، ކައުންސިލާއި އެކު އެއްބަސްވުމެއް ހަދައި ޕާކިން ސްލޮޓުތައް ގަރާޖެއްގެ ގޮތުގައި ރަޖިސްޓްރީ ކުރެވޭނެ ކަމަށެވެ.
ގަރާޖް ސްޕޭސްގެ ގޮތުގައި ސިޓީ ކައުންސިލުން ބޭނުން ކުރަން ނިންމާފައިވަނީ އެކި ޕާކިން ޒޯން ތަކާއި 20 ފޫޓު ފުޅާ މަގުތަކުންނާއި އަމީނި މަގުގެ ދެކުނަށްހުރި ޖާގަ ތަނަވަސް ތަންތަނުންނެވެ. މީގެ އިތުރުން ސިޓީކައުންސިލުން ބުނިގޮތުގައި ކައުންސިލުން ދޫކުރާ ސްލޮޓުތަކަކީ ދާއިމީ ސްލޮޓު ތަކެކެވެ.
ސިޓީ ކައުންސިލުން ދޫކުރާ ޕާކިން ސްލޮޓުތަށް ގަރާޖުގެ ގޮތުގައި ކުއްޔަށް ދޫކުރާނީ 25،000ރ ދެއްކުމަށްފަހު މަހަކު 1،500ރ ދައްކާގޮތަށެވެ.
މަހު ކުލި ނުދައްކާ އެއް ކަމެއްވެސް ނުވޭ ދޯ؟ ހެހެހެ..