މިއަދު ބިދޭސީ އަންހެނަކު މިސްކިތުގައި ޢައިރު ދީނުގެ އަޅުކަންކުރާ މަންޒަރު ފެންނަ ވީޑިއޯ އަކާ ގުޅިގެން އިދިކޮޅު ކޯލިޝަނުގެ މެންބަރުން ކަންބޮޑުވުން ފާޅުކޮށްފިއެވެ.
މިއަދު އާންމުވެފައިވާ އެ ވީޑިއޯއިން ފެންނަނީ ބިދޭސީ އަންހެނަކު ހުކުރު މިސްކިތުގައި އިނދެގެން ޣައިރު ދީނުގެ އަޅުކަމެއް ކުރާ މަންޒަރެވެ.
އެ ވީޑިއާއި ގުޅިގެން ރައްޔިތުން މަޖިލީހުގެ މަޑުއްވަރީ ދާއިރާގެ މެންބަރު އާދަމް ޝަރީފް އުމަރު ވިދާވީ މިކަމަކީ ސަރުކާރުން ޒިންމާނަގަން ޖެހޭނޭ ކަމެއް ކަމުގައެވެ. މީގެ އިތުރުން އާދަމް ޝަރީފް ވަނީ މިސްކިއްތައް ބެެލެހެއްޓުމަށާއި މުންކަރާތްތައް ހުއްޓުވުމަށް ސަރުކާރަށް ގޮވާލާފައެވެ.
Miee balaiganeveyne kamehnoon! Sarukaarun zimmaa nagan jeheyne! Mifadha kameh hingumun ves, Dhivehinge faraathun fenunee sul-ha maslahathu iskurithan. Ekamattakai ufaakuran. Raajjeyge miskiiythah belehettumashaai munkaraaiythah huttuvumah govaalan! https://t.co/q8ei4yp502
— Adam Shareef Umar (@Adamshareefz) July 22, 2021
ކުރީގެ ނައިބު ރައީސް ޑރ.މުހައްމަދު ޖަމީލް އަހުމަދު ސިފަކުރެއްވި ގޮތުގައި މިކަމަކީ ބަޔަކު މީހުން ރާވައިގެން ހިންގާ ހީލަތްތެރި ރޭވުމެކެވެ. އަދި މި ވެރިކަމުގައި އެކިއެކި ގޮތްގޮތުން އިސްލާމްދީނަށް ފުރައްސާރަ ކުރުން އިތުރުވެފައިވާކަން އެމަނިކުފާނު ވަނީ ފާހަގަ ކުރައްވާފައެވެ.
”ﷲ ގެ ގެކޮޅަށް ފުރައްސާރަ ކުރާ ފަރާތްތަކަށް ހަރުކަށި ފިޔަވަޅު އަޅަންޖެހޭ.“ ޑރ.ޖަމީލް ވިދާޅުވިއެވެ.
މިއީ ކުޑަކަމެއް ނޫން. ބަޔަކު އަޑީގައި ތިބެގެން ކުރުވި ކަމަކަށްވުމީ ދުރުކަމެއް ނޫން. الله ގެ ގެކޮޅަށް ފުރައްސާރަކުރާ މިފަރާތްތަކަށް ހަރުކަށި ފިޔަވަޅު އަޅަންޖެހޭ. މިވެރިކަމުގައި ތަކުރާރު މިވަނީ އެކި ގޮތްގޮތުން އިސްލާމްދީނަށް ގޮންޖެހުން. މިއީ އިއްތިފާޤެއްނޫން. ހީލަތްތެރި ރޭވުމެއް. https://t.co/ySdiTwLh1p
— Mohamed Jameel Ahmed (@MJameelAhmed) July 22, 2021
މީގެ އިތުރުން ރައްޔިތުން މަޖިލީހުގެ އޭދަފުށީ ދާއިރާގެ މެންބަރު އަދި ޕީޕީއެމްގެ ޕީޖީ ލީޑަރު އަހްމަދު ސަލީމް (ރެޑްވޭވް ސަލީމް) ވިދާޅުވީ މިފަދަ ކަންކަން ހިންގަނީ ރާއްޖޭގައި އޮތް އަނދިރި ދައުލަތުން ކަމަށެވެ.
Mikan mi hinganee seedhaa hgeegee adhiri dhaulaiy hingaa meehun
— Ahmed Saleem (@redwave_saleem) July 22, 2021
މިއަދު އާންމުވި ވީޑިއޯއާއި ގުޅިގެން ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ. މިކަމާ ގުޅިގެން ފުލުހުން އަދި އެއްޗެކޭ ބުނެފައެއް ނުވެއެވެ.
