އެޖެންޑާ19 އިން މަޖިލިސްހޮވަން މަރުފަލިޖެހި ނަޝީދު ވަކިކުރަން އެމްޑީޕީން ހުށައެޅުމަކީ އުންމީދުކުރިކަމެއްނޫން: ޑރ. ޖަމީލް
ޖަމީލް ވިދާޅުވީ ނަޝީދު މަޖިލީހުގެ ރައީސް ކަމުން ވަކިކުރުމަކީ އެމްޑީޕީގެ ފަރާތުން ދުވަހަކުވެސް އުންމީދު ކުރެއްވި ކަމެއް ނޫންކަމަށާއި، އެޖެންޑާ19 އިން މަޖިލިސް ހޮވީ ރައީސް ނަޝީދު (އަންނި) މަރުފަލިޖަހައިގެންކަމަށެވެ. އަދި މިއަދު ފެނިގެންދަނީ ރައީސް ނަޝީދުގެ ކަރުގައި ވާޖަހައި ރައްޔިތުން ކުރިމަތީ ގަންހިންގަމުންދާ މަންޒަރު ކަމަށް ދރ. ޖަމީލް ވިދާޅުވިއެވެ.
މިއާއިއެކު ޑރ. ޖަމީލް ވިދާޅުވީ ރައީސުލް ޖުމްހޫރިއްޔާ އިބްރާހިމް މުޙައްމަދު ޞޯލިހުއަށް ދިވެހި ރާއްޖޭގެ ވެރިކަން ލިބުނީ ރ.ނަޝީދުގެ އާނ ބަހާ އެކުގައި ކަމަށެވެ.
މިއީ އެމްޑީޕީން ދުވަހަކުވެސް އުއްމީދުކުރިކަމެއް ނޫނެވެ. އިބޫ އަށްވެރިކަން ލިބުނީ ރ.ނަޝީދުގެ އާނ ބަހާ އެކުއެވެ. އެޖެންޑާ19 އިން މަޖްލިސްހޮވީ އަންނި މަރުފަލިޖަހައިގެންނެވެ. ރ. ނަޝީދުގެ ކަރުގައި ވާޖަހައި ރައްޔިތުން ކުރިމަތީ ގަންހިންގަނީ. މިވެސްދުވަހެއް! https://t.co/HJNgkA9Upa
— Mohamed Jameel Ahmed (@MJameelAhmed) June 6, 2023
ރައްޔިތުންގެ މަޖިލީހުގެ ރައީސް މުހައްމަދު ނަޝީދު މަޤާމުން ވަކި ކުރުމަށް އެމްޑީޕީގެ ޕާލިމެންޓް ގްރޫޕުން ފާސްކުރުމާއި ގުޅިގެން ކުރިއަށް ދިޔަ ނޫސްވެރިންގެ ބައްދަލު ވުމުގައި އެޕާޓީގެ މިހާރުގެ ޕީޖީ ލީޑަރު މުޙައްމަދު އަސްލަމް ވިދާޅުވިގޮތުގައި އެމްޑީޕީގައި މިހާރު ތިއްބެވީ 56 މެންބަރުންނެވެ. އޭގެ ތެރެއިން 42 މެންބަރުން ރައީސް ނަޝީދު މަގާމުން ވަކި ކުރުމުގެ މައްސަލައިގައި ބައިވެރިވެވަޑައިގަތެވެ. ރިޔާސަތުން ވޯޓުގައި ބައިވެރިނުވެވޭއިރު، 41 މެންބަރުންގެ ތެރެއިން ރައީސް ނަޝީދު މަގާމުން ވަކި ކުރުމަށް ވޯޓު ދެއްވީ 36 މެންބަރުންނެވެ. އަދި ވޯޓު ނުދެއްވަނީ ކޮން 5 މެންބަރުންނެއްކަން އަސްލަމް ހާމައެއް ނުކުރައްވައެވެ.
މަޖިލީހުގެ އަޣުލަބިއްޔަތުގެ 44 ސޮއި ލިބުމުން ނަޝީދު ވަކިކުރުމުގެ މައްސަލަ ހުށަހަޅުއްވާނެ ކަން އަސްލަމް ފާހަގަކުރެއްވިއެވެ. އެހެން ނަމަވެސް މިހާތަނަށް ހަމަކުރެވުނީ ކިތައް ސޮއިކަމެއް އޭނާ ވިދާޅެއް ނުވެއެވެ.
ރައްޔިތުންގެ މަޖިލީހުގެ ރައީސްގެ އިތުބާރު ނެތްކަމުގެ ވޯޓެއް ނެގުމަށް އެމްޑީޕީގެ ޕީޖީއިން ތައްޔާރުވަމުން އަންނައިރު، ރައްޔިތުންގެ މަޖިލީހުގެ ނައިބު ރައީސް އީވާ އަބްދުﷲގެ އިތުބާރު ނެތްކަމުގެ ވޯޓެއް ނެގުމަށްވެސް އެމްޑީޕީގެ ޕީޖީއިން ވަނީ މިހާރު މަޖިލީހަށް ހުށަހަޅާފައެވެ. އެހެން ނަމަވެސް އަދި މިހާތަނަށް އެ މައްސަލަ ތާވަލުކުރެވިފައިނުވެއެވެ.
Ahare men ummee dhe nukuran naib raees kamun jameel ehaa avaha vki koffaane kamaka ves ekamaku ekan ves vee thaa anekkaa jameel akee ves anni ah baiath hifaigen hure male ai mee he verikan badhalu vee ma
yameen falhi ah araane kamakah ves ummeehde nuku ran ekanves vee thaa jameelu ummeedhu kuraa Haa gothaka hurihaa kame nu dhaa ne