2024 ރައްޔިތުންގެ މަޖިލީހުގެ އިންތިޚާބުގެ ޕީޕީއެމް ޕީއެންސީ ޕްރައިމަރީ 2024 ޖެނުއަރީ 20ގައި ބާއްވާ ގޮތަށް ހަމަޖައްސައިފިއެވެ.
ޕީޕީއެމް ޕީއެންސީގެ ފަރާތުން ރޭ ނެރުއްވި ނޫސް ބަޔާނުގައި 2024 ރައްޔިތުންގެ މަޖިލީހުގެ އިންތިޚާބުގެ ޕީޕީއެމް ޕީއެންސީ ޕްރައިމަރީ 2024 ޖެނުއަރީ 20ވާ ހޮނިހިރު ދުވަހު ބާއްވާ ގޮތަށް ހަމަޖައްސަވާފައިވާއިރު ޕްރޮގްރެސިވް ކޮންގްރެސް ކޯލިޝަންގެ ޓިކެޓަށް ޝައުގުވެރިވާ ޕީޕީއެމް ޕީއެންސީގެ މެންބަރުން އެކަމަށް އެދި ހުށަހެޅުމުގެ ފުރުސަތު 2023 ޑިސެންބަރު 20އިން 2023 ޑިސެންބަރު 31ގެ ނިޔަލަށް ހުޅުވާލެވިފައިވާކަމަށް ބަޔާންކޮށްފައިވެއެވެ.
އަދި މި އިންތިހާބުގައި ޕީޕީއެމް ޕީއެންސީން ވާދަކުރުމަށް ކެންޑިޑޭޓުން ނެރޭނީ ދެ ޕާޓީ އެކުގައި އެއް ކޯލިޝަނަކުންކަމުގައި ވެސް ބަޔާންކޮށްފައިވެއެވެ.
