މާލޭގެ ޕާކިން މައްސަލަ ހައްލުނުވެ ލަސްވަނީ ޕާކިން ބިލްޑިން އެޅުމަށް ސަރުކާރުން ހުރަސްއަޅާތީ: މޭޔަރ މުޢިއްޒު
މާލޭގައި ޕާކިންގ ގެ މައްސަލަ ހައްލުނުވެ ލަސްވަނީ ޕާކިން ބިލްޑިންގތައް ހެދުމަށް ސަރުކާރުން ހުރަސްއަޅަމުން ގެންދާތީ ކަމުގައި މާލެ ސިޓީގެ މޭޔަރ ޑރ. މުޙައްމަދު މުޢިއްޒު ވިދާޅުވެއްޖެއެވެ.
މޭޔަރ މިފަދައިން ވިދާޅުވީ ޓްވިޓާގައި އާންމު ރައްޔިތަކު ކުރެއްވި ސުވާލަކަށް ޖަވާބު ދެއްވަމުންނެވެ.
މާލޭގެ ޕާކިންގެ މައްސަލައާއި ގުޅިގެން ޢަލީ ރަމީޒް ކުރެއްވި ސުވާލަށް ޖަވާބުދެއްވަމުން މޭޔަރ ވިދާޅުވީ ޕާކިން ބިލްޑިންގތައް ހެދުމަށް ސަރުކާރުން ހުރަސްނޭޅި ނަމަ މިއަދު މާލޭގައި 6 ޕާކިންގ ބިލްޑިންގ ހުންނާނެ ކަމަށާއި މަގުމަތިން ދޫކޮށްފައިވާ ޒޯންތަކަކީ ކުރިން ވެސް ޕާކިންގ ބިލްޑިންގ ތެރެއަށް ބަދަލުކުރާ ގޮތަށް ނިންމާ އިއުލާނު ކުރެވިފައިވާ ސްލޮޓުތަކެއް ކަމަށެވެ.
Male ge parking massala hallu nukurevi lasvanee parking building thah elhumah Council in kuramun dhaa masakkai thakah sarukaarun huras alhamun gedhaathee. Huras neylhi nama, miadhu madhuvegen 6 parking building Male gai imaaraai kurevifai hunnaane. Magumathin kuyyah dhey slot…
— Dr Mohamed Muizzu (@MMuizzu) June 11, 2023
މީގެ އިތުރުން ކުރީގެ ވަޒީރު ރާޝިދާ ޔޫސުފް ގަރާޖްސިޓީ އާއި ގުޅޭގޮތުން ކުރެއްވި ސުވާލަކަށް ޖަވާބުދެއްވަމުން މޭޔަރ ވިދާޅުވީ ގަރާޖުގައި ވެލިކަލް ރަޖިސްޓްރީ ކޮށްފައިވާ ފަރާތްތަކަށް ގަރާޖުތަކުގައި ޕާކު ކުރުމަށް އެންގިދާނެ ކަމަށާއި އެހެންނަމަވެސް މާލެ ސިޓީ ކައުންސިލުން ފާސްކޮށްފައި އޮންނަ ކުރެހުމަށް ބެލުމެއްނެތި އަދި ކައުންސިލުން ދީފައި އޮންނަ އިމާރާތްކުރުމުގެ ހުއްދައަށް ބެލުމެއްނެތި އިކޮނޮމިކް މިނިސްޓްރީއިން ވިޔަފާރި ހުއްދަ، ސްޓެލްކޯއިން ކަރަންޓުލައިދިނުން، އެމްޑަބްލިއުއެސްއީ އިން ފެން ގުޅައިދިނުން ކުރިއަށް ދާހާ ހިނދަކު އިމާރާތުގެ ކުރެހުމުގައި އޮންނަ ގަރާޖް އެހެންކަމަކަށް ބަދަލުކުރާ ކުރުން ނުހުއްޓުވޭނެ ކަމަށެވެ.
Egothah engidhaane. Namaves, economic ministry in viyafaari kurumuge huhdha hoadhigen e garage thah hunnanee viyafaarithakah badhalu koffai.
Male City Council in faaskoffai onna kurehumah belumehnethi, adhi City Council in dheefai onna imaaraai kurumuge huhdha nuvatha imaaraai…
— Dr Mohamed Muizzu (@MMuizzu) June 12, 2023
މޭޔަރ އިތުރަށް ވިދާޅުވީ މިކަން ކަމާބެހޭ ހުރިހާ ފަރާތްތަކަށް ރަސްމީކޮށް ދަންނަވާފައިވާނެ ކަމަށެވެ. އެގޮތުން އިކޮނޮމިކް މިނިސްޓްރީއަށާއި ސްޓެލްކޯއަށާއި އެމްޑަބްލިއުއެސްއީއަށް އަދި ރައްޔިތުންގެ މަޖިލީހުގައި ދަންނަވާފައި ވާނެކަމަށް މޭޔަރ ވިދާޅުވިއެވެ.
