ކެންދޫ ދާއިރާގެ މެންބަރު އަލީ ހުސައިން އަމީނީ މަގުގައި ގަސްތައް ބަހައްޓައިގެން ނުހެންދެންވީ ކީއްވެ ކަމާމެދު ސުވާލު އުފައްދަވައި ޓުވީޓް ކުރައްވައިފިއެވެ.
މި ޓްވީޓްގައި ޝެއަރ ކޮށްފައިވަނީ ގަސްތައް ނުނަގައި އަމީނީ މަގު ހެދެން ނެތް ކަމަށް ރައީސް އޮފީހުން ވިދާޅުވެފައިވާ ‘މިހާރު’ ނޫހުގެ އާޓިކަލް އެކެވެ. އަލީ ހުސެއިން ވިދާޅުވެފައިވަނީ ގަސްތައް ނުނަގައި މަޖީދީ މަގުވެސް ހަދާފައި އޮތް ކަމަށެވެ.
ގަސްތައް ނުނަގާ މަޖީދީ މަގުވެސް އެ އޮތީ ހަދާފަ. ދެން ކީއްވެ އަމީނީ މަގު ގަސްތައް ބަހައްޓައިގެން ނުހެދެންވީ؟ https://t.co/Fu00BBfkSY
— Ali Hussain (@AleeVoice) September 29, 2022
އެމްޕީ ހުސައިންގެ މި ޓްވީޓަށް ރައްދު ދެއްވަމުން ކުރީގެ ރައްޔިތުންގެ މަޖިލީހުގެ ނައިބު ރައީސް އަދި ކުރީގެ އެމްޑީޕީގެ ޗެއަރޕާސަން މޫސާ މަނިކު (ރީކޯ މޫސާ) ވިދާޅުވެފައިވަނީ މާލޭގަ އެއްވެސް ކަމެއް ކުރިޔަނުދޭން ފައިވިއްދާއިރު، ރަށާ އަތޮޅާއި ދާއިރާގައި ހުރި ރުއްގަސްނަގާ ވިއްކާ، ފަރުމަތީ ބޮޑުހިލަޖަހައި، ބަނދަރު ކޮނެ، ވެލިނަގާ، ބިން ހިއްކާއިރު، އަގައިންވެސް ނުބުނެ ހުރެފަ އަލީ ހުސެއިން އެވަރަކަށް މާލެއާ ޖެހިފައި ހުންނެވީ ކީއްވެ ކަން ނޭނގޭ ކަމަށެވެ.