ތިލަމާލެ ބުރިޖު އެޅުމަށް އިންޑިއާގެ އެފްކޮންސް އިން ގެނައި ޕްލެޓްފޯމް ވިލިމާލެ ފަރަށް އުރުނުތާ ހަފްތާއެއް ފަހުން އޭތި ނަގާނެކަމުގެ ޔަގީންކަން އެ ކުންފުނިން ދީފިއެވެ.
މިމަހުގެ 16 ވަނަ ދުވަހު އުރުނު ”ޔުވްރާޖު“ ނަމަކަށް ކިޔާ ޕްލެޓްފޯމުގެ ސަބަބުން ވިލިމާލެ ފަރަށް ބޮޑެތި ގެއްލުންތަކެއް ވެފައިވާއިރު، އެންވަޔަރަމަންޓަލް ޕްރޮޓެކްޝަން އެޖެންސީ (އީޕީއޭ) އިން ވަނީ ޕްލޭނިންގެ މިނިސްޓްރީ އާއި އެފްކޮންސް އާއިއެކު މިއަދު ވަނީ ބައްދަލުވުމެއް ބާއްވާފައެވެ.
އީޕީއޭއިން ބުނިގޮތުގައި ވިލިމާލެ ފަރުން ޕްލެޓްފޯމް ނެގުމަށްފަހު ފަރަށް ލިބިފައިވާ ގެއްލުން ބަލާނެއެވެ. މި މައްސަލައިގައި ތިމާވެށީގެ މާހިރުންނާއި، މާލެ ސިޓީ ކައުންސިލްގެ އިތުރުން އާންމުން ވަނީ ކަންބޮޑުވުން ފާޅުކޮށްފައެވެ.
