އިސްލާމް ދީނުގެ ވާހަކަ ހަމައެކަނި ދައްކަނީ ސިޔާސީ ގޮތުން ސްކޯއެއް ކުރަން ކަމަށް ކުރީގެ ނައިބު ރައީސް އަދި ޕީޕީއެމްގެ އެޑްވައިޒަރު ޑރ.މުހައްމަދު ޖަމީލް އަހުމަދު ވިދާޅުވެއްޖެއެވެ.
ޑރ.ޖަމީލް ކުރެއްވި ޓުވީޓެއްގައި ވިދާޅުވީ އިސްލާމް ދީނުގައި ޙަރާމްކޮށްފައިވާ ބޮޑެތި ކުށްތައް ޢާންމުވިއިރު، ސަރުކާރުން ބަލަހައްޓައިގެން ތިބީ ކަމަށާ، ސަރުކާރުގަައި ތެދު ނިޔަތެެއް އޮތް ނަމަ ބިރަކާނުލައި މަޖާކުރާ ފިކުރާއެކު ކަންކަން ބޮއްސުންލައިގެން ދިޔައިރު ނުތިބޭނެ ކަމުގައެވެ. އަދި ގަބޫލް ކުރެވޭގޮތުގައި އެއީ ކޯލިޝަންގެ ބައިވެރިން ސިޔާސީ ސްކޯކުރަން އެކަނި ދައްކާ ވާހަކައެއްކަން ޖަމީލް ސިފަކުރައްވާފައެވެ.
އިސްލާމް ދީނުގައި ޙަރާމްކޮށްފައިވާ ބޮޑެތި ކުށްތައް ޢާންމުވިއިރު ތިބީ ސަރުކާރުގަައި. ތެދު ނިޔަތެެއް އޮތް ނަމަ ބިރަކާނުލައި މަޖާކުރާ ފިކުރާއެކު މިހިސާބަށް ބޮއްސުންލާދިޔައިރުނުތިބޭނެ. ޤަބޫލް ކުރެވެނީ ކޯލިޝަންގެ ބައިވެރިން ތިޔައީ ސިޔާސީ ސްކޯކުރަން އެކަނި ދައްކާ ވާހަކައެއްކަން. https://t.co/y9OqmdG65B
— Mohamed Jameel Ahmed (@MJameelAhmed) August 23, 2022
ޑރ.ޖަމީލް މިފަދައިން ޓުވީޓް ކުރައްވާފައި ވަނީ ސިޙާޤު ކުރުމަކީ ޤާނޫނުގައި ބޮޑު ކުށަކަށަށް ހަދަން އިސްލާހު ރައްޔިތުން މަޖިލީހަށް ޖުމްހޫރީ ޕާޓީގެ ލީޑަރު އަދި މާމިގިލީ ދާއިރާގެ މެމްބަރު ގާސިމް އިބްރާހިމް ހުށައެޅުއް ވުމުންނެވެ.
