ޤާނޫނުގައި ޤިޞާޞްގެ ޙުކުމް ނެތިފައިވަނިކޮށް އޭގައި އެޙުކުމް ހިމަނައިދެއްވީ ރައީސް ޔާމީން: ސަލަފް ރައީސް

ޤާނޫނުލް އުޤޫބާތުގައި ޤިޞޯޞްގެ ޙުކުމް ނެތިފައިވަނިކޮށް އޭގައި އެޙުކުމް ހިމަނައިދެއްވީ ކުރީގެ ރައީސް އަދި އިދިކޮޅު ލީޑަރު ރައީސް ޢަބްދުﷲ ޔާމީން ޢަބްދުލްޤައްޔޫމް ކަމަށް ޖަމިއްޔަތުއް ސަލަފްގެ ރައީސް އައްޝައިޚް ޢަބްދުﷲ މުޙައްމަދު ވިދާޅުވެއްޖެއެވެ.

އައްޝައިޚް ޢަބްދުﷲ މުޙައްމަދު މިފަދައިން ވިދާޅުވީ ހޯމް މިނިސްޓްރީގެ ޑިރެކްޓަރ އަހުމަދު މަޢުރޫފް ކުރެއްވި ޓްވީޓަކާއި ގުޅިގެންނެވެ.

މަރުގެ ހުކުމް ތަންފީޒު ކުރުމާ ގުޅޭ ގޮތުން ހޯމް މިނިސްޓަރ @ShimranAb މަޖިލީހުގައި ދެއްކެވި ވާހަކައާ ގުޅިގެން އެންމެ ބޮޑަށް ފާޑުކިޔާފައިވާ @MJameelAhmed @JAMIYYATHSALAF@binjanaab @HassanFikree ފަދަ ބޭފުޅުން މިއަދު ކޮބައިތޯ؟ https://t.co/LVjhxmc70F

— Ahmed Mauroof (Jamna) 🇲🇻 (@AhmadhJamna) August 13, 2022

މަރަށް މަރުހިފުމަކީ އެއްވެސް ރައީސަކަށް ފަސޭހަ ކަމެއް ނޫންކަމަށާއި، އެހެން ނަމަވެސް ޤިޞޯޞް ހިފުމަށް އޭރު ވެސް، އަދި މިހާރު ވެސް އަދި އޭގެ ކުރިން ވެސް ހުރި ހުރަސްތަކުގެ ވާހަކަ ރައީސް ޔާމީން ތަފްޞީލް ކޮށްދެއްވުމަށްފަހުވެސް އެވާހަކަތައް ފަހުމްނުވެ މައުރޫފް ވަނީ ޖަމިއްޔަތުއް ސަލަފަށާއި، ސަލަފްގެ ބައެއް ޢިލްމުވެރިންނަށް އަމާޒުކޮށް ސުވާލެއް އުފައްދަވާފައެވެ.

މަޢުރޫފް ގެ ޓްވީޓްގައި ވަނީ މަރުގެ ހުކުމް ތަންފީޒު ކުރުމާ ގުޅޭ ގޮތުން ހޯމް މިނިސްޓަރ އިމްރާން‬⁩ މަޖިލީހުގައި ދެއްކެވި ވާހަކައާ ގުޅިގެން އެންމެ ބޮޑަށް ފާޑުކިޔާފައިވާ ސަލަފް ޖަމިއްޔާ އާއި އަދި ޝައިޚް ހަސަން ފިކްރީ ފަދަ ޢިލްމުވެރިން ފަދަ ބޭފުޅުން މިއަދު ކޮބައިތޯ ސުވާލު ކުރައްވާފައެވެ.

މަޢުރޫފްގެ ސުވާލަށް ޖަވާބު ދެއްވަމުން ސަލަފްގެ ރައީސް ވިދާޅުވީ މިއަދުވެސް އެބޭފުޅުން ތިއްބެވީ އިއްޔެވެސް ތިބި ގޮތަށް ކަމަށެވެ. އަދި ރައީސް ޔާމީން ވިދާޅުވެފައިވަނީ އެމަނިކުފާނުގެ ވެރިކަމުގައި ޤިޞޯޞް ހިފުމަށް ފުރުޞަތު ދޭނެކަމަށް ކަމާއި، މީގެ އިތުރުން ޤާނޫނުލް އުޤޫބާތުގައި ޤިޞޯޞްގެ ޙުކުމް ނެތިފައިވަނިކޮށް އޭގައި އެޙުކުމް ހިމަނައިދެއްވީވެސް ރައީސް ޔާމީން ކަމަށާއި އެެކަން އޮޅުވައިނުލެއްވުމަށް ޝައިޚް މުޙައްމަދު ވަނީ އެދިވަޑައިގަންނަވާފައެވެ.

ޤާނޫނު ހެއްދެވީ ޝައިޚް މުޙައްމަދު ތޯ މާއްޓޭ ނަމަކަށް ކިޔާ މީހަކު ބުނުމުން ޝައިޚް ވިދާޅުވީ ޤާނޫނުލްއުޤޫބާތުގެ 1205 ވަނަ މާއްދާ އަކީ ރައީސް ޔާމީންގެ އެދިވަޑަައިގަތުމަށް އެބޭފުޅުން ދެެއްވި ޑްރާފްޓެއް ކަމަށާއި، އެ ފާސްކޮށްދެއްވީ ޕީޕީއެމްގެ އޭރުގެ މަޖިލިސް މެޖޯރިޓީގެ ބޭނުން ހިފައިގެން ޔާމީންގެ ހާއްސަ އަމުރަކަށް ކަމުގައެވެ. އަދި އެކަން މަހިބަދޫ ދާއިރާގެ ޕީޕީއެމްގެ މެންބަރު އަހުމަދު ތޯރިގު (ޓޮމް) ގެ އަރިހުން ސާފުކުރުމަށްވެސް ޝައިޚް ވިދާޅުވިއެވެ.

Qaanoonul uqoobaathuge 1205 wana maaddha aki emanikufaaanuge edhilewwumah alhugandumen dheefaiwa draft, e faaskoddhewwee ebeyfulhun ge aghlabiyyathuge beynun hippawaigen qaanoon hadhaa majleehun RY ge khaassa amurakah, mi 2medhugai ulhuwwi @AhmedThaariq kuren assawa!

— Abdullah bin janaab (@binjanaab) August 13, 2022

ދާދި ފަހުން ބޭއްވި ނޫސްވެރިންގެ ބައްދަލު ވުމުގައި ވާހަކަ ދައްކަވަމުން ޤިޞާޞް ހިފުމާއި ގުޅޭގޮތުން ރައީސް ޔާމީން ވިދާޅުވީ އެމަނިކުފާނު ވެރިކަމުގައި ހުންނެވި ފަސް އަހަރުގައި ޤިޞާޞް ހިފުމަށްޓަކައި އޭރުގެ ކެބިނެޓަށް ހުށަހެޅުއްވި ކަމަށާއި، އޭރުވެސް ޤަބޫލުފުޅު ކުރެއްވީ އެފަދަ މައްސަލަތަކަށް ލުޔެއް ލިބޭނީ ޤިޞޯޞް ހިފައިގެން ކަމަށާއި އަދި މިހާރުވެސް ޤަބޫލުފުޅު ކުރައްވަނީ މަރަށް މަރު ހިފަން ޖެހޭނެކަމަށް ކަމުގައެވެ.