ރައްޔިތުންގެ މަޖިލީހުގެ ރައީސްކަމުން ރައީސް މުހައްމަދު ނަޝީދު ވަކިކުރަން އެމްޑީޕީގެ މަޖިލިސް މެންބަރުން މަސައްކަތް ފަޓަވާފިއެވެ.
”ބޮންތި“ އަށް މައުލޫމާތު ލިބުނު ގޮތުގައި އެމްޑީޕީގެ ޕާލިމަންޓަރީ ގްރޫޕްގެ ވަޓްސްއަޕް ގުރޫޕް ގައި ވަނީ ރައީސް ނަޝީދުގެ އިތުބާރު ނެއްކަމުގެ ވޯޓަށް ބޭނުންވާ ސޮއިހަމަ ކުރުމުގެ މަސައްކަތް ފަށާފައެވެ. އަދި ރައިސް ނަޝީދުގެ އިތުބާރު ނެއްކަމުގެ މައްސަލަ މަޖިލީސް ހުޅުވޭދުވަހު ވައްދަން ވަނީ ނިންމާފައެވެ.
ރައީސް ނަޝީދުގެ އިތުބާރު ނެއްކަމުގެ ވޯޓު ނެގުމުގެ މަސައްކަތް ފަށާފައި މިވަނީ، ރައީސް އިބްރާހީމް ސޯލިހް އަންހެނަކާއެކު ޒިނޭ ކުރާ މަންޒަރު ފެންނަ ހަތަރު ފޮޓޯއެއް ރައީސް ނަޝީދު އަތުގައި އޮއްކަމަށް ވިދާޅުވެ ޒިނޭގެ ތުހުމަތު ރައީސް ސޯލިހުއަށް ކޮށްފައިވާ ދަޑިވަޅެއްގައެވެ.
