ބާކީވާތަން ފެންނަނީ މަޖިލިސް ރައީސް މުހައްމަދު ނަޝީދު ކަމުގައި ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވެއްޖެއެވެ.
މެންބަރު ޝިޔާމް މިފަދައިން ވިދާޅުވީ އޭނާ ކުރެއްވި ޓުވީޓެއްގައެވެ.
ޝިޔާމް ވަނީ ނަޝީދު ބާކީ ނުކުރެއްވުމަށް ރައީސް އިބްރާހިމް މުހައްމަދު ސޯލިހުގެ ކިބައިން އެދިވަޑައިގެންފައެވެ.
Emme fahun baakeevaathan mifennanee @MohamedNasheed . Raees @ibusolih ah dhannavan ekan egothah nukuravvan.
Dhivehi Qaumuge haqqugai thedhuve adu ufulaigen Dhivehi Raajje adhi Dhivehin baakee eh nuvaane IA. #IndiaOut https://t.co/3PgJ9o9Ymm
— Ahmed Shiyam (@Shiyamaldives) May 30, 2022
ޝިޔާމް ފާހަގަކުރެއްވިގޮތުގައި ދިވެހި ގައުމުގެ ހައްގުގައި ތެދުވެ އަޑު އުފުލައިގެން ދިވެހިރާއްޖެ އަދި ދިވެހިން ބާކީއެއް ނުވާނެއެވެ.
މިއަދުގެ މަޖިލިސް ޖަލްސާގައިވެސް މެންބަރު ޝިޔާމް ވަނީ ރައީސް ނަޝީދަށް އަމާޒު ކުރައްވައި ބާކީ ވާނީ އެމަނިކުފާނު ކަމުގައި ވިދާޅުވެފައެވެ.
”އިންޑިއާ އައުޓު“ ކެމްޕެއިނާ ދެކޮޅަށް ނަޝީދު އިސްވެ ހުންނަވައިގެން ކުރިޔަށް ގެންދާ ”ބާކީނުވޭ“ ކެމްޕެއިނަށް މިހާތަނަށް ލިބިފައިވަނީ ފިނި ތަރުހީބެކެވެ.
