ޕީޕީއެމްގެ މެޖޯރިޓީ އޮންނަ މާލެ ސިޓީ ކައުންސިލުގެ މަސައްކަތަށް، ރައްޔިތުންގެ މަޖިލީހުގެ އައްޑޫ މީދޫ ދާއިރާގެ އެމްޑީޕީއަށް ނިސްބަތްވާ މެމްބަރ، ރޮޒައިނާ އާދަމް ތައުރީފް ކުރައްވައިފިއެވެ. ރޮޒައިނާ ސިިޓީ ކައުންސިލަށް ނުސީދާ ގޮތެއްގައި ތައުރީފްކުރެއްވީ އެކަމަނާ ކުރެއްވި ޓްވީޓެއްގައެވެ.
Mirey mi fenigen dhiyaee party system ai fahun raajjeyga nufenna qaumee roohu aalaavaa fadha manzareh!
PPM majority oi council akaa eku sarukaarun Male’ tharaqqee ah masakkaiy kuraathan. Mee Raees @ibusolih thafaathu vaa sababaky. Qaumu iskuraathy. 👏👏👏https://t.co/XJEOiAFqhm— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) June 15, 2021
ރޮޒައިނާ ސިޓީ ކައުންސިލަށް ނުސީދާ ގޮތެއްގައި ތަޢުރީފް ކުރައްވާފައިވަނީ، މާލޭގެ ތަރައްގީއަށް ސަރުކާރާއި ގުޅިިގެން ކުރަމުން ގެންދާ މަސައްކަތްތައް ފާހަގަ ކުރައްވަމުންނެވެ.
ރޮޒައިނާ މިކަން އިތުރަށް ސިފަ ކުރައްވަމުން ވިދާޅުވެފައިވާ ގޮތުގައި މިއީ ރާއްޖެއަށް ޕާޓީ ސިސްޓަމް އައި ފަހުން ނުފެންނަ، ޤައުމީ ރޫޙު އާލާވާ ފަދަ މަންޒަރެކެވެ. އަދި ޕީޕީއެމް މެޖޯރިޓީ އޮތް ސިޓީ ކައުންސިލަކާއި ގުޅިގެން މަސައްކަތް ކުރައްވާކަމީ ރައީސް އިބްރާހިމް މުހައްމަދު ސޯލިހްގެ ތަފާތުކަން ކަމަށް ވިދާޅުވެ އެމަނިކުފާނަށް ވެސް ރޮޒައިނާ ތައުރީފް ކުރައްވާފައި ވެއެވެ.
އަލަށް އިންތިޚާބުވީ މާލޭ ސިޓީ ކައުންސިލަށް ގިނަ ބަޔަކު ދަނީ ތަޢުރީފް ކުރަމުންނެވެ. އައު ސިޓީ ކައުންސިލް ފެނިގެންދަނީ މާލެއަށް ދިމާވެފައިވާ މައްސަަލަތައް ހައްލުކުރުމަށް ހަލުވި ދުވެލީގައި ރައްޔިތުންނާއި ގުޅިގެން މަސައްކަތްކުރާ ކައުންސިލެއްގެ ގޮތުގައެވެ. މިވީ ކުޑަ ދުވަސްކޮޅުގެ ތެރޭގައިވެސް މާލޭގެ އެކި ސަރަހައްދުތަކުގައި މުހިންމު މަސައްކަތްތަކެއް ސިޓީ ކައުންސިލުން އިސްނަގައިގެން ކޮށްފައިވާ ކަން ފާހަގަ ކޮށްލެވެއެވެ.
