6 މާރޗް 2022 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ ފ.ނިލަންދޫ އަދި ދ.މީދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ބައި-އިލެކްޝަނަށް ތައްޔާރުވުމުގެ ގޮތުން އެމްއެންޕީގެ ޓީމެއް މިއަދު އެދެރަށަށް ފުރައިފިއެވެ.
މިދަތުރުގައި އެމްއެންޕީގެ ރައީސް ކާނަލް މުހައްމަދު ނާޒިމާއި، ނާއިބު ރައީސް ޢަބްދުﷲ ރިޔާޒްގެ އިތުރުން ބައެއް ކައުންސިލް މެންބަރުންވެސް ބައިވެވަޑައިގަންނަވައެވެ.
މި ދަތުރުގައި ފ. ނިލަންދޫ އަދި ދ. މީދޫގައި އެމްއެންޕީގެ ކެމްޕޭން ޖަގަހަ ހުޅުވުމުގެ ތައްޔާރީތައްވެސް ކުރުމަށް ވަނީ ހަމަޖެހިފައެވެ.
މިދެ އިންތިހާބުގައި އެމްއެންޕީގެ ފަރާތުން ކެނޑިޑޭޓެއް ނެރެން ނިންމާ، ޕްރައިމަރީގައި ވާދަކުރުމަށް ހުޅުވާލި ފުރުސަތުގައި ކޮންމެ ރަށަކުންވެސް ކުރިމަތިލީ އެއްކެނޑިޑޭޓެވެ.
