ޔޫކްރެއިންގައި ހިނގަމުންދާ ހަނގުރާމައާ ގުޅިގެން އެ ގައުމުގައި ތިބި 15 ދިވެއްސަކު ހަންގޭރީގެ ބޯޑަރު ހުރަސްކޮށްފައިވާ ކަމަށް ރާއްޖޭގެ ފޮރިން މިނިސްޓްރީން މިއަދު ބުނެފިއެވެ.
ފޮރިން މިނިސްޓްރީން މިއަދު ހެނދުނު މީޑިއާތަކަށް ފޮނުވި މެސެޖެއްގައި ބުނީ ޔޫކްރެއިންގެ އިވަނޯ-ފްރެންކިވްސްކްގައި ތިބި 15 ދިވެހިން ރޭ ރާއްޖެ ގަޑިން 11:30 ހާއިރު ހަންގޭރީ އަށް ފޯރާފައިވާ ކަމަށެވެ.
އެމީހުން ހަންގޭރީގެ ވެރިރަށް ބުޑަޕެސްޓަށް ގޮސް ދެ ދުވަހެއްގެ ތެރޭގައި މާލެ އަންނަން ފުރާނެ ކަމަށް ފޮރިން މިނިސްޓްރީން ބުންޏެވެ. އެހެންނަމަވެސް ޔޫކްރޭންގައި އިތުރު 9 ދިވެހިން އެބަތިބި ކަމަށް އެ މިނިސްޓްރީން ބުންޏެވެ.
