ކުރިއަށް އޮތް ރޯދަމަހާ ދިމާކޮށް އުމްރާގެ އަޅުކަމަށް ދާ ދިވެހިން ވީހާވެސް އަވަހަކަށް ވެކްސިން ޖެހުމަށް ދަމަނަވެށިން އެދިއްޖެއެވެ.
އެ އިދާރާއިން މިއަދު އާންމުކުރި އިއުލާނުގައިވާގޮތުން މާޗު މަހުގެ 10 ގެ ކުރިން ޕޯލިއޯ ވެކްސިން ޖަހަން ވަނީ އެދިފައެވެ.
ސަބަބެއް ކަމުގައި ދަމަނަވެށިން ފާހަގަކުރަނީ ޕޯލިއޯ ވެކްސިނަކީ އަނގައަށް ދޭންޖެހޭ ވެކްސިނަކަށް ވެފައި, ރޯދަ މަހުގެ ދުވާލު ގަޑީގައި ވެކްސިން ނުދެވުމެވެ. އެކަމަކު ސަބަބެއް މެދުވެރިވެގެން އެ މުއްދަތުގެ ފަހުން ވެކްސިން ޖަހަން ޖެހިއްޖެނަމަ، ރޯދަމަހުގެ ރޭގަނޑު، ކަނޑައެޅޭ ވަކި ގަޑިތަކެއްގައި ވެކްސިންގެ ހިދުމަތް ދޭނެކަމަށް ދަމަނަވެށިން ބުންޏެވެ.
ކޮންމެ އަހަރަކުވެސް ރޯދަމަހާ ދިމާކޮށް އުމްރާގެ މަތިވެރި އަޅުކަން ކުރުމަށް ގިނަ ދިވަހިން ސައުދީ އަރަބިއާއަށް ދެއެވެ.
