މިއަދު ބޭއްވި ނ.މަގޫދޫ އަދި ލ،ކަލައިދޫގެ އަންހެނުންގެ ތަރައްޤީއަށް މަސައްކަތް ކުރާ ކޮމިޓީގެ ބައި އިލެކްޝަން ޕްރޮގްރެސިވް ކޮންގްރެސް ކޯލިޝަނުން ކާމިޔާބުކޮށްފިއެވެ.
ކަލައިދޫގެ އަންހެނުންގެ ކޮމިޓީގެ ގޮނޑި ޕީޕީއެމްގެ ސަފިއްޔާ ކާމިޔާބުކުރެއްވީ އެމްޑީޕީގެ ކެނޑިޑޭޓް ހުވައިލަތާއި ވާދަކޮށްގެންނެވެ. ސަފިއްޔާއަށް ލިބިފައިވަނީ 197 ވޯޓެވެ. އަދި ހުވައިލަތަށް ލިބުނީ 192 ވޯޓެވެ. މީގެއިތުރުން ނ.މަގޫދޫގެ އަންހެނުންގެ ކޮމިޓީގެ އިންތިޚާބު ޕީޕީއެމްގެ ކެނޑިޑޭޓް ޔުމްނާ ކާމިޔާބުކުރީ 124 ވޯޓުންނެވެ. އެމްޑިޕީގެ ފަރާތުން ވާދަކުރި ފަރީދާއަށް ލިބުނީ ޖުމްލަ 115 ވޯޓެވެ.
މިއަދު ބޭއްވުނު ދެ ބައި އިލެކްޝަން ކާމިޔާބު ކުރެއްވި ދެ ކެނޑިޑޭޓުންނަށްވެސް ޕީޕީއެމުން ވަނީ މަރުޙަބާ ދަންނަވާފައެވެ.
L Kalaidhoo WDC ge gondi PPM in kaamiyaabu koffi. Marhabaa Aishath Safiya pic.twitter.com/2UtIx9vWkR
— Progressive Party of Maldives (@ProgressPartyMV) November 5, 2022
ފާހަގަކޮށްލެވޭގޮތުގައި މިފަހަކަށް އައިސް ބާއްވާ ހުރިހާ ބައި އިލެކްޝަންތައްވެސް ކާމިޔާބު ކުރަނީ އިދިކޮޅު ޕީޕީއެމުންނެވެ.
N. Magoodhoo Council ge anhengondi PPM in Kaamiyaabu koffi. Marhabaa Aminath Yumna Abdul Ghany. pic.twitter.com/JdwDyDlgFz
— Progressive Party of Maldives (@ProgressPartyMV) November 5, 2022
ޕްރޮގްރެސިވް ކޮންގްރެސް ކޯލިޝަންގެ ދާއިރާތަކުގެ އިންތިޚާބު ވެސް މިއަދު ވަނީ ކާމިޔާބު ކަމާއިއެކު ނިންމާލާފައެވެ.
އިދިކޮޅު ކޯލިޝަން ޕީޕީއެމް/ޕީއެންސީގެ ދާއިރާތަކުގެ އިންތިޚާބު ހިނގަމުންދާގޮތް ބައްލަވާލެއްވުމަށްފަހު މީޑިއާތަކަށް މަޢުލޫމާތު ދެއްވަމުން އިދިކޮޅު ލީޑަރ ރައީސް ޔާމީން ވިދާޅުވީ އެންމެ ބޮޑު އަމާޒަކަށް ވާނީ އަންނަ އަހަރުގެ ރިޔާސީ އިންތިޚާބުގެ ވޯޓުން އިންޑިއާ ބަލިކުރުން ކަމަށެވެ.
