ޔޯގާ ހަރަކާތާއި ދެކޮޅަށް ގަލޮޅު ދަނޑުގައި ހިނގާދިޔަ ހަމަނުޖެހުންތަކާއި ގުޅިގެން ހައްޔަރުކުރި ދީނީ އިލްމުވެރިޔާ، ޝައިޚް ފަޒްލޫން ބަންދުން ދޫކޮށްލި މައްސަލައިގެ އިސްތިއުނާފުގެ އަޑުއެހުން މިއަދު ހައިކޯޓުގައި ތާވަލްކޮށްފި އެވެ.
މިދިޔަ ޖޫން މަހުގެ 21 ވަނަ ދުވަހު ގަލޮޅު ދަނޑުގައި ބޭއްވި ޔޯގާ ހަރަކާތް ކުރިއަށްދިޔަ ވަގުތު އެ ތަނަށް ވަދެ ހަމަނުޖެހުން ހިންގި ކަމަށް ތުހުމަތުކޮށް ޝައިޚް ފަޒްލޫން ހައްޔަރުކުރީ އެ މަހުގެ 22 ވަނަ ދުވަހުގެ ރޭގެ ވަގުތެއްގަ އެވެ.
އެހެންނަމަވެސް ޕީޖީއިން ބޭނުންވަނީ މުއްދަތެއް ނެތް ގޮތަށް ޝައިޚް ފަޒްލޫން ބަންދުގައި ބަހައްޓާށެވެ. ޕީޖީން ބުނެފައިވަނީ ޝައިޚް ފަޒްލޫން އަކީ މުޖުތަމައުއަށް ދޫކޮށްލައިފިނަމަ ނުރައްކާތެރި އަމަލެއް ހިންގައިފާނެ ފަދަ މީހެއް ކަމަށެވެ.
ޝައިޚް ފަޒްލޫން ކުރެއްވި ޓްވީޓެއްގައި ވިދާޅުވީ ބަންދުން ދޫކޮށްލުމަށް ކްރިމިނަލް ކޯޓުން ކުރި އަމުރު ބާޠިލްކޮށް މުއްދަތެއް ނެތްގޮތަށް ބަންދުކުރުމަށްއެދި ދަޢުލަތުގެ ފަރާތުން ހައިކޯޓުއަށް ހުށަހަޅާފައިވާ މައްސަލައިގެ އަޑުއެހުމެއް މިއަދު ތާވަލްކޮށްފައިވާކަމަށާއި، އެންމެހާ އަޚުންނާއި އުޚުތުންގެ އިޚްލާސްތެރި ދުޢާއަށް އެދިވަޑައިގަންނަވާކަމަށެވެ.
السلام عليكم
Aharen bandhun dhookollumah criminal court in kuri amuru baathilukoh, mudhatheh neithgothah bandhukurumah edhi dhaulathuge faraathun high court ah husha'alhaafaivaa massalaige aduehun miadhu 13:45 gai.
Emmehaa lobuvethi akhunnai ukhthunge ikhlaastheri dua ah edhen.— Fazloon Bin Muhammad (أبو عبد الرحمن الملندوي) (@fzlunx) September 18, 2022
ޝައިޚް ފަޒްލޫން އަލުން ބަންދުކުރަން ކުރިއަށްގެންދާ މައްސަލައިގެ ފުރަތަމަ އަޑުއެހުން އޮންނާނީ މިއަދު 13:45 ގަ އެވެ.
