ސެޕްޓެމްބަރު މަހުގެ 18 ވަނަ ދުވަހުގެ ވަގުތެއްގައި ހުޅުމާލެއިން ގެއްލިގެން ހޯދަމުންދާ މުޙައްމަދު އަޒްހާންގެ ހަށިގަނޑުކަމަށް ބެލެވޭ މީހެއްގެ ހަށިގަނޑު، ފުލުހުންގެ ތަހުގީގުގެ ތެރެއިން ހިންގި އޮޕަރޭޝަނެއްގައި މިއަދު 17:45 އެހައިކަންހާއިރު ފެނިފައިވާކަމަށް ފުލުހުން ބުނެފިއެވެ.
އަދި މި ކަމާއި ގުޅުންހުރި އިތުރު މައުލޫމާތު މިރޭގެ ވަގުތެއްގައި ހިއްސާކުރާނެ ކަމުގައި ފުލުހުންވަނީ ބުނެފައެވެ.
ހުޅުމާލެއިން ގެއްލިގެން ހޯދަމުންދާ މުޙައްމަދު އަޒްހާންގެ ހަށިގަނޑުކަމަށް ބެލެވޭ މީހެއްގެ ހަށިގަނޑު، ތަހުގީގުގެ ތެރެއިން ހިންގި އޮޕަރޭޝަނެއްގައި މިއަދު 17:45 އެހައިކަންހާއިރުވަނީ ފެނިފައި.
އިތުރު މައުލޫމާތު މިރޭގެ ވަގުތެއްގައި ހިއްސާކުރާނެ ވާހަކަ ދަންނަވަން.
— Maldives Police (@PoliceMv) October 2, 2022
މުހައްމަދު އަޒުހާން 27، ގެއްލިގެން ރިޕޯޓްކޮށްފައި ވަނީ ސެޕްޓެމްބަރ 19 ވަނަ ދުވަހުގެ 19:00ގައި ކަމަށާއި، އޭނާ އެންމެ ފަހުން ފެނުނު އިރު ލައިގެން ހުރީ މާޖެހި، ޕީޗް ކުލައިގެ އަތްކުރު ގަމީހެއް ކަމަށް ފުލުހުން ސޯޝަލް މީޑިއާގައި ބަޔާންކޮށްފައިވެއެވެ.
