ރައީސް ރަނގަޅުވެގެން ނޫނީ ގައުމު ރަނގަޅެއް ނުވާނެ: އިމްރާން

ރައީސް ރަނގަޅުވެގެން ނޫނީ ގައުމު ރަނގަޅެއް ނުވާނެ ކަމަށް މި ސަރުކާރުގެ ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.

މިހާރަކަށް އައިސް ޓުވިޓާގައި މިނިސްޓަރު އިމްރާން އަންނަނީ ވަރަށް ގިނައިން މި ސަރުކާރަށް ވައްބަހުން ޖަހަމުންނެވެ. ސަބަބަކަށް ބެލެވެނީ މިފަހުން ގަލޮޅު ދަނޑުގައި ބޭއްވި ހަރަކާތުގައި ހިންގި ހަމަނުޖެހުންތަކާ ގުޅިގެން ދީނީ އިލްމުވެރިން ހައްޔަރު ކުރި މައްސަލާގައި މިނިސްޓަރު އިމްރާން އަށްވެސް ފާޑުކިއުން އަމާޒުވުމާ ގުޅިގެންނެވެ. އެގޮތުން ރޭގެ ދަންވަރުގެ ވަގުތެއްގައި ވެސް ސަރުކާރަށް އަމާޒުކޮށް އިމްރާން ވަނީ ޓުވީޓެއް ކުރައްވާފައެވެ.

”ރައީސް އަކަށް ހުނަވާ ބޭފުޅަކީ ހެޔޮލަފާ ރަގަޅު ބޭޕުޅަކަށް ވިޔަސް ސަރުކާރު ހިންގަވަން ތިއްބަވާ ގިނަ ބޭފުޅުން ރަނގަޅުވެގެން މެނުވީ ގައުމު ރަގަޅުނުވާނެ. ހަމައެހެންމެ ސަރުކާރުގައި ތިއްބަވާ ގިނަ ބޭފުޅުން ރަނގަޅު ވިއަސް ރައީސް ރަނގަޅުވެގެން މެނުވީ ގައުމު ރަނގަޅު ނުވާނެ.“ އިމްރާން ވިދާޅުވިއެވެ.

Raees akah hunnavaa beyfulhakee heyolafa rangalhu beyfulhakahviyas sarukaaru hingavan thibbavaa gina beyfulhun rangalhu vegen menuvee qaumu rangalhu nukureveyne’eve.hama ehenme sarukaaruga thinbavaa gina beyfulhun rangalhu viyas Raees rangalhu vegen menuvee qaumu rangalhunuvaane.

— Imran Abdulla (@ShimranAb) July 24, 2022