އެމްޑީޕީގެ ޗެއާޕާސަންކަގެ މަގާމަށް ކުރިމަތިލާފައިވާ ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ (އިންތި)ގެ ކެމްޕޭނު މެނޭޖަރަކަށް މަޖިލިސް ނައިބް ރައީސް އީވާ އަބދުالله ގެ ފިރިކަލުން އަހުމަދު ޝާހިދު (ސާބެ) ހަމަޖައްސައިފިއެވެ.
މިކަން އިއުލާނު ކޮށްފައިވަނީ އިންތި ކުރެއްވި ޓްވީޓެއްގައެވެ. އެ ޓްވީޓުގައި. އިންތި ވިދާޅުވީ އެމްޑީޕީގެ ސިޔާސަތުތައް ކަނޑައެޅުމާއި ސީދާ ހަރަކާތް އިންތިޒާމް ކުރުމުގެ މަސައްކަތުގައި ޕާޓީއަށް ބޮޑެތި ކާމިޔާބު ހޯއްދަވައިދެއްވި ސާބެ ކެމްޕޭނު މެނޭޖަރަކަށް ވަޑައިގެންދެއްވުމަކީ ލިބުނު ވަރަށް ބޮޑު ބާރެއް ކަމަށެވެ.
އިންތިގެ ކެމްޕޭނުގައި އުޅުއްވުމަށް އެމްޑީޕީގެ މެމްބާޝިޕް އަދި ކެމްޕޭނު ކޮމިޓީން ސާބެ ވަނީ އިސްތިއުފާދީފައެވެ.
