ކުރީގެ ރައީސް އަދި އިދިކޮޅު ޕީޕީއެމްގެ ރައީސް އަބްދުﷲ ޔާމީން އަނބުރާ ޖަލަށް ގެންދެވޭނެ ކަމަށް އެއްވެސް މީހަކު ހީކޮށްގެން ނުވާނެ ކަމަށް، ޕީއެންސީގެ ރައީސް އަދި ފޮނަދޫ ދާއިރާގެ ކުރީގެ މެމްބަރު އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.
ކޮމަންޑޫ ދާއިރާގެ ބައި އިލެކްޝަނުގައި ޕީޕީއެމްގެ ފަރާތުން ވާދަކުރައްވާ މޫސާ ފަތުހީގެ ކެމްޕެއިން ޖަލްސާއެއްގައި ކޮަމަންޑޫގައި ވާހަކަ ދައްކަވަމުން އަދުރޭ ވިދާޅުވީ ދިވެހި ރައްޔިތުން މިހާރު ބޭނުން ވަނީ އެމްޑީޕީގެ ވެރިކަން ނިންމައި، ރައީސް ޔާމީން ވެރިކަމަށް ގެންނަން ކަމުގައެވެ.
އަދުރޭ މިފަދައިން ވިދާޅުވެފައި މިވަނީ، ރައީސް ޔާމީން އަނބުރާ ޖަލަށް ދާންޖެހިދާނެ ކަމަށް، އެމްޑީޕީގެ ނައިބު ރައީސް އަދި ރައީސް އޮފީހުގެ މިނިސްޓަރު މުހައްމަދު ޝިފާޒް (ޝިއްޕެ) ވިދާޅުވެފައި ވަނިކޮށެވެ.
