މިއަދު އަލިފާނުގެ ޙާދިސާއެއް ހިނގައި އަދައި ހުލިވި، ޕީޕީއެމްގެ ކުރީގެ “ރުމާލު 2” ޖަގަހަ ހިންގި ތަނާއި މާލޭ ސިޓީ ކައުންސިލާ އެއްވެސް ގުޅުމެއް ނެތް ކަމަށް މާލޭ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.
ކުރިން ފުލޫ ކްލިނިކެއްވެސް ހިންގި އެބިމަކީ ފަހަކަށް އައިސް މަސްތުވާތަކެތި ބޭނުންކުރާ މީހުންގެ އައްޑާއަކަށް ވެފައިވާ ތަނެކެވެ.
މާލޭ ސިޓީގެ މޭޔަރު މުއިއްޒު ވަނީ އެމަނިކުފާނުގެ ޕަބްލިކް ވައިބާ ގުރޫޕުގައި އެބިމުގެ ހާގީހަތް ހާމަކޮއްދީފައެވެ. އެބިމަކީ ސިޓީ ކައުންސިލާ އެއްވެސް ގުޅުމެއް އޮތް ތަނެއް ނޫން ކަމަށާއި އެތަނަކީ މި ސަރުކާރުން ޔޫތު މިނިސްޓްރީއަށް ދީފައިވާ ތަނެއް ކަމުގައި މޭޔަރު ވިދާޅުވިއެވެ.
އެ އިމާރާތުގައި ރޯވެފައިވަނީ މިއަދު މެންދުރުފަހު 2:30 ހާއިރެވެ.
