މާލޭގައި ފެށި ސަރަހައްދީ ފުޓުބޯޅައިގެ އެންމެ ބޮޑު މުބާރާތް ކަމަށްވާ ”އުރީދޫ ސާފް ޗެމްޕިއަންޝިޕް 2021“ ގެ ފުރަތަމަ މެޗު ބަނގްލަދޭޝް އިން ކާމިޔާބުކޮށްފިއެވެ.
ގަލޮޅު ދަނޑުގައި ކުޅުނު މިމެޗު ބަނގްލަދޭޝުން ކާމިޔާބުކުރީ 1-0 ގެ ނަތީޖާއަކުންނެވެ. އެ ޓީމުން ލަނޑު ޖަހާފައިވަނީ މެޗުގެ ދެވަނަ ހާފުގައެވެ.
މި މެޗު ބެލުމަށްޓަކައި ދެޓީމުގެ ގިނަ އަދަދެއްގެ ސަޕޯޓަރުންނެއް ގަލޮޅު ދަނޑަށް ވަދެފައިވެއެވެ.
މިމެޗު ބަނގްލަދޭޝުން ކާމިޔާބު ކުރުމާއި ގުޅިގެން އެގައުމުގެ ސަޕޯޓަރުން އަންނަނީ މަގުމަތީގައި އުފާ ފާޅުކުރަމުންނެވެ.
