ފަތުރުވެރިކަމުގެ ބޭނުންތަކަށް ކުއްޔަށް ދޫކޮށްފައިވާ ތަންތަނުގެ ކުއްޔާއި ޖޫރިމަނާ ފަސްކޮށްދޭ ގަވާއިދު އާއްމުކޮށްފި
ދިވެހިރާއްޖޭގެ ޓޫރިޒަމާބެހޭ ޤާނޫނުގެ 52 ވަނަ މާއްދާގެ ދަށުން ޓޫރިޒަމް މިނިސްޓްރީއަށް ލިބިގެންވާ ބާރުގެ ދަށުން ފަތުރުވެރިކަމުގެ ބޭނުންތަކަށް ކުއްޔަށް ދޫކޮށްފައިވާ ތަންތަން ތަރައްޤީކުރުމަށް ދީފައިވާ މުއްދަތު އިތުރުކޮށްދިނުމާއި ކުއްޔާއި ޖޫރިމަނާ ފަސްކޮށްދިނުމުގައި އަމަލުކުރާނެގޮތުގެ ގަވާއިދު އާއްމުކޮށްފިއެވެ.
މި ގަވާއިދަކީ ފަތުރުވެރިކަމުގެ ބޭނުމަށް ޓޫރިޒަމް މިނިސްޓްރީން ތަންތަން ކުއްޔަށް ދޫކުރުމާ ގުޅޭގޮތުން ވެފައިވާ އެއްބަސްވުންތަކާ އެއްގޮތަށް، އެއްބަސްވުމުގައި ބަޔާންކުރާ މުއްދަތުގައި ތަރައްޤީކޮށް ނުނިމިހުރި ތަންތަން ނިންމައި ހިންގަން ފެށުމަށް ލުއިތަކެއް ދިނުމަށާއި، ތަރައްޤީކޮށް ނިމި ހިންގަން ފަށާފައިވާ ތަންތަން މަރާމާތުކުރުމުގައި ނުވަތަ އާބާތުރަފިލުވައިލުމުގައި ލުއި ދިނުމުގެ ގޮތުގުން ކުލިފަސްކޮށްދިނުމުގައި އަމަލުކުރާނެ އުސޫލުތައް ބަޔާންކުރުމަށް ހަދާފައިވާ ގަވާއިދެކެވެ.
މި ގަވާއިދުގެ ދަށުން ލުއިތައް ދެވޭނެގޮތްތައް ބަޔާންކުރައްވާފައިވެއެވެ.
ގަވާއިދުގެ ދަށުން ލުއިތައް ދެވޭނެ ގޮތް:
ޓޫރިޒަމް މިނިސްޓްރީ އާއިއެކުގައި ވެފައިވާ އެއްބަސްވުމުގައި ދީފައިވާ މުއްދަތަށް ތަރައްޤީކޮށް ނިމިފައިނުވާ ތަންތަނުގެ ކޮންސްޓްރަކްޝަން ޕީރިއަޑް، އެ ޤަވާއިދުގައި ކަނޑައަޅާފައިވާ ހަމަތަކާ އެއްގޮތްވާ ގޮތުގެ މަތިން އިތުރުކޮށްދިނުމުގެ ބާރު ޓޫރިޒަމް މިނިސްޓްރީއަށް ލިބިގެންވާ ކަމަށް އެ ގަވާއިދުގައި ބަޔާންކޮށްފައިވެއެވެ.
އެގޮތުން، އަންނަނިވި ހަމަތައް ބަޔާންކޮށްފައިވެއެވެ:
ހިނގަމުންދާ ކޮންސްޓްރަކްޝަން ޕީރިއަށް ހަމަވާ ތާރީހުންފެށިގެން، ކޮންސްޓްރަކްޝަން ޕީރިއަޑްގެ ގޮތުގައި ދީފައިވާ މުއްދަތު ހަމަވުމުގެ ކުރިން އެ މުއްދަތު އިތުރުކުރުމަށް އެދި ހުށަހަޅާ ފަރާތްތަކަށް ކޮންސްޓްރަކްޝަން މި ގަވާއިދުގެ މަތިން އިތުރުކޮށްދެވޭނެއެވެ.
ކޮންސްޓްރަކްޝަން ޕީރިއަޑް އިތުރުކޮށްދެވޭ ތަންތަނާ ގުޅިގެން ގަވާއިދުގައި ބަޔާންކޮށްފައިވާ ތާރީހާއި ހަމައަށް އަރާފައިވާ ކުއްޔާއި ޖޫރިމަނާއާއި ގަވާއިދުގެ ދަށުން އިތުރުކޮށްދެވޭ ކޮންސްޓްރަކްޝަން ޕީރިއަޑުގައި ދައްކަންޖެހޭ ކުލިއް ދެއްކުން ދަސްކޮދޭންވާނެކަމަށްވެސް މި ގަވާއިދުގައި ބަޔާންކޮށްފައިވެއެވެ.
އެގޮތުން، ފަސްކޮށްދެވޭ ކުއްޔާއި ޖޫރިމަނާ ދެކިދާނެ ގޮތްތައް:
ފަސްކޮށްދެވޭ ކުއްޔާއި ޖޫރިމަނާ ދައްކާނި މި ދެ ގޮތުގެ ތެރެއިން، ތަން ކުއްޔަށް ހިފައިފައިވާ ފަރާތުން އިހްތިޔާރުކުރާ ގޮތަށްކަމަށް ގަވާއިދުގައިވެއެވެ.
