ބޮރޫޝިއާ ޑޯޓްމަންޑާ ވާދަކޮށް 3-1 ގެ ނަތީޖާ އަކުން ޖާމަން ސުޕަކަޕް ބަޔާން މުނިކް ކާމިޔާބުކޮށްފިއެވެ.
މި މެޗުގައި ދެ ޓީމުގެ ފަރާތުން ވެސް މޮޅު ކުޅުމެއް ވަނީ ފެނިގެން ގޮސްފައެވެ.
މެޗުގެ 41 ވަނަ މިނެޓުގައި ބަޔާނަށް ލީޑު ނަގައިދިނީ ރޮބާޓް ލެވަންޑޯވްސްކީ އެވެ. މި ލީޑު 49 ވަނަ މިނެޓުގައި ފުޅާ ކޮށްދިނީ ތޯމަސް މުލާއެވެ. އަދި ބަޔާންގެ ފަހު ލަނޑު 74 ވަނަ މިނެޓުގައި ކާމިޔާބުކޮށްދިނީ ވެސް ލެވަންޑޯވްސްކީއެވެ.
ބޮރޫޝިއާގެ ހަމައެކަނި ލަނޑު 64 ވަނަ މިނެޓުގައި ކާމިޔާކޮށްދިނީ އެޓީމުގެ ކެޕްޓަން މާކޯ ރެއުސް އެވެ.
މިއީ މި ތަށި ބަޔާންއިން އުފުލާލި 9 ވަނަ ފަހަރެވެ. އަދި މި ތަށި އެންމެ ގިނަ ފަހަރު ކާމިޔާބު ކުރުމުގެ ޝަރަފުވެސް އޮތީ ބަޔާން އަތުގައެވެ.
