ތިމަރަފުށި ދާއިރާގެ މެންބަރު އަބްދުﷲ ރިޔާޒް ޖުމްހޫރީ ޕާޓީން ވަކިވެވަޑައިގަތުމުން މަޖިލީހުގެ ސަލާމަތީ ހިދުމަތްތަކުގެ ކޮމިޓީ (241 ކޮމިޓީ) ގައި އިންނަވާ އެ ޕާޓީގެ މެންބަރަކަށް ކެންދޫ ދާއިރާގެ މެންބަރު އަލީ ހުސައިން ހަމަޖައްސަވައިފިއެވެ.
ޖޭޕީން ވަކިވެވަޑައިގަތުމަށްފަހުި ރިޔާޒް އަންނަނީ މޯލްޑިވްސް ނޭޝަނަލް ޕާޓީ (އެމްއެންޕީ) ގެ ނަމުގައި ސިޔާސީ ޕާޓީއެއް އުފެއްދުމަށް މަސައްކަތް ކުރަމުންނެވެ.
241 އަށް ގެނައި މި ބަދަލު އިއުލާން ކުރެއްވެވީ މިއަދުގެ މަޖިލިސް ޖަލްސާގެ ރިޔާސަތު ބެލެހެއްޓެވި، މަޖިލީހުގެ ނާއިބު ރައީސް އީވާ އަބްދުﷲ އެވެ.
241 ކޮމިޓީގައި ހުރިހާ ޕާޓީތަކުންނާއި މިނިވަން މެމްބަރުންވެސް ހިމެނެއެވެ.
