ރާއްޖޭގެ އެކި ކަންކޮޅުތަކުގައި ތިބި އިންޑިއާ ސިފައިން އެގައުމަށް އަނބުރާ ފޮނުވާލުމަށް ސަރުކާރުން މުހުލަތެއް ކަނޑައަޅައިފިއެވެ.
ރައީސުލްޖުމްހޫރިއްޔާ މިކަން ކަނޑައެޅުއްވީ އިއްޔެ ބޭއްވެވި ވަޒީރުންގެ މަޖިލީހުގެ ބައްދަލުވުމުގައެވެ.
އިއްޔެގެ ވަޒީރުންގެ މަޖިލީހުގައި މަޢުލޫމާތު އެރުވި ކަންކަމުގެ ތެރޭގައި ރާއްޖޭގައި ތިބި އިންޑިޔާ ސިފައިން ރާއްޖެއިން ފޮނުވައިލުމަށް ކުރަމުންދާ މަސައްކަތުގެ ދަށުން މިހާތަނަށް 11 ބައްދަލުވުމެއް ބާއްވާފައިވާކަމަށް ވެއެވެ.
އިއްޔެ ކުރިއަށް ދިޔަ 12 ވަނަ ބައްދަލުވުމުގައި 15 މާރިޗްގެ ކުރިން ރާއްޖޭގައި ތިބި އިންޑިޔާގެ ސިފައިން އަނބުރާ އެ ޤައުމަށް ގެންގޮސް ނިންމުމަށް ދިވެހި ސަރުކާރުގެ ފަރާތުން އިންޑިއާ ސަރުކާރުގައި އެދިފައިވުން ފާހަގަކުރެއްވިއެވެ.
