ރައީސް ޢަބްދުﷲ ޔާމީން ޢަބްދުލްޤައްޔޫމް ޕީޕީއެމްއިން ވަކިވެވަޑައިގެން ޕީޕަލްސް ނެޝަނަލް ފްރަންޓް (ޕީއެންއެފް)ގެ ނަމުގައި ޕާޓީއެއް އުފައްދަވައި، އެ ޕާޓީއަށް ސޮއިކުރައްވައިފިއެވެ.
ރައީސް ޔާމީން ޕީއެންއެފްއަށް ސޮއިކުރެއްވީ އެ ޕާޓީގެ އޮފީހުގައިި ބޭއްވި ރަސްމިއްޔާތެއްގައެވެ. ރައީސް ޔާމީން ޕީޕީއެމްއިން ވަކިވެވަޑައިގެންނެވީ ނޮވެންބަރު މަހުގެ 23ވަނަ ދުވަހުއެވެ.
ރައީސް ޔާމީންގެ ދަރިކަލުން، ޒެއިން ޢަބްދުﷲ ޔާމީންއަށް ޕީއެންއެފް އުފެއްދުމުގެ ހުއްދަ އިލެކްޝަންސް ކޮމިޝަން (އީސީ) އިން ދިނީ ނޮވެންބަރ 29ގައެވެ.
ޒެއިންގެ ނަމުގައި ޕާޓީ ހަދަން ހުއްދަ ދިން ނަމަވެސް ޕާޓީގެ މުއައްސިސުންގެ ގޮތުގައި ރައީސް ޔާމީން ހިމެނިވަޑައިގަންނަވާނެހެން 08 ބޭފުޅަކު ތިއްބަވައެވެ.
