ދަރުމަވަންތަ ހޮސްޕިޓަލުގެ ސީއީއޯގެ މަޤާމަށް އިބްރާހީމް ރައްޒާޤް ހަލީމް އައްޔަންކޮށްފިއެވެ.
ހަލީމަކީ މީގެ ކުރިން ރައީސް އަބްދުالله ޔާމީންގެ ސަރުކާރުގައި އެމްޕީއެލް, އެމްޓީސީސީ އަދި އެމްއާރުޑީސީގެ މެނޭޖިން ޑިރެކްޓަރު ކަމުގެ މަޤާމު އަދާކުރެއްވި ބޭފުޅެކެވެ. އޭގެ އިތުރުން އޫރިދޫގެ އިސް މަޤާމެއް އަދާކޮށްފައިވާ ހަލީމަކީ މެނޭޖްމެންޓް ދާއިރާއިން މަތީ ތައުލީމް ހާސިލްކުރައްވާފައިވާ ބޭފުޅެކެވެ.
މި މަޤާމަށް ހަލީމް އައްޔަން ކޮށްފައިވާއިރު, ގްރޭޓަރ މާލެ އޭރިއާގެ ހޮސްޕިޓަލްތައް ހިންގާ ”މާލެ ހޮސްޕިޓަލްސް ބޯޑް އޮފް ޓްރަސްޓީސް“ގެ ނަން ”މާލެ ސިޓީ ގްރޫޕް އޮފް ހޮސްޕިޓަލްސްގެ ގަވާނިން ބޯޑް“ގެ ނަމަށް ރައީސް ޑރ.މުއިއްޒު ވަނީ ބަދަލުކޮށްފައެވެ.
ކުރިން އެ ބޯޑު ހިންގަމުން ދިޔައީ ހެލްތު މިނިސްޓްރީގެ ދަށުން ނަމަވެސް މިހާރު އެ ބޯޑު ވަނީ ރައީސަށް ޖަވާބުދާރީ ވާންޖެހޭ ގޮތަށް ބަދަލުކޮށްފައެވެ.
