މިހާރު ދިވެހިރާއްޖޭގައި ޖުޑީޝަރީއެއް އޮތުމުގެ މާނައެއް ނެތް ކަމަށް އެމްއެންޕީގެ ނައިބުރައީސް އަދި ރައްޔިތުންގެ މަޖިލީހުގެ ވިލިމާލެ ދާއިރާގެ މެންބަރު އަޙްމަދު އުޝާމް ވިދާޅުވެއްޖެއެވެ.
އުޝާމް މިފަދައިން ވިދާޅުވެ ޓްވީޓް ކުރައްވާފައިވަނީ ރިސޯޓެއް ހެދުމަށް ނޫނު އަތޮޅު ރާފުށިން، އިކޮނޮމިކް މިނިސްޓަރު ފައްޔާޒު އިސްމާއިލްގެ ބަފައިބެ މޫސާ ހަސަންއަށް 2010 ވަނަ އަހަރު ދޫކުރި އެ އަތޮޅު ރާފުށި ތަރައްޤީނުކޮށް އޮތްވާ އެރަށް އަތުލުމުން އޭގެ ބަދަލެއްގެ ގޮތުގައި ނ.އަތޮޅު އެކުޅިވަރު މޫސާ ހަސަންއަށް ދިނުމަށް ރައީސް އޮފީހުގެ ބަދަލުދޭ ކޮމިޓީން ނިންމުމާއި ގުޅިގެންނެވެ.
ރާފުށި އެއްބަސްވުން ބާޠިލު ކުރުމުގެ މައްސަލާގައި އެ ކުންފުނިން ކޯޓަށް ގޮސްފައެއްނުވެއެވެ. އަދި އެ ކުންފުންނިން އެ ރަށް ތަރައްޤީ ކޮށްފައި ނުވާކަން ޖޫރިމަނާ މައްސަލާގައިވެސް ކޯޓުން ވަނީ ފާހަގަކޮށްފައެވެ. އެހެންކަމުން ޤާނޫނީ ގޮތުންވެސް ބަދަލުގެ ދިނުމުގެ ޢުސޫލާ އެއްގޮތަށް އެ ކުންފުންޏަށް ބަދަލުގެ ގޮތުގައި ރަށެއް ދެވޭނެ ހަމައެއް ނެތެވެ.
ރައީސް އިބްރާހިމް މުޙައްމަދު ޞޯލިޙުގެ ވެރިކަމުގެ 5 އަހަރުގެތެރޭގައި ފައްޔާޒް އިސްމާޢީލްގެ އާއިލީ އެކިފަރާތްތަކަށް އުސޫލުންބޭރުން ބަދަލުގެގޮތުގައި މީގެކުރިންވެސް ބޮޑުހޭދައެއް ކޮށްފައިވެއެވެ.
