ހދ. ނޮޅިވަރަމްގައި މިއަދު މަރާލި ކަމަށް ބުނާ ނިޝާމާ މުހައްމަދު 28، ގެ މަރުގެ މައްސަލައިގައި އޭނާގެ ފިރިމީހާ ފައިސަލް އަބޫބަކުރު މިރޭ ހައްޔަރުކޮށްފި އެވެ.
އެ މައްސަލައާ ގުޅިގެން، ހައްޔަރު ކުރީ އަބޫބަކުރު ފައިސަލް، 32، އދ. ފެންފުށި/ރޯޒީވިލާ އެވެ. އޭނާ އެ އަތޮޅު ކުޅުދުއްފުށީ ޕޮލިސް ސްޓޭޝަނަށް ގޮސް ހަވާލުވީ އަމިއްލައަށެވެ.
މިކަމާ ގުޅިގެން އެންމެ ފަހުން ފުލުހުން ބުނީ ނިޝާމާގެ ހަށިގަނޑުގެ ޕޯސްޓްމޯޓަމް ހަދަން ނިންމާފައިވާ ކަމުގައެވެ. ނިޝާމާ މަރާލާފައިވާ ކަމަށް ބުނެ ފުލުހުންނަށް ރިޕޯޓުކުރީ މިއަދު މެންދުރު 12:30 ހާއިރު އެވެ. އެ ރަށު ސިއްހީ މަރުކަޒަށް ގެންދިޔައިރު ވެސް އޭނާ އޮތީ މަރުވެފަ އެވެ.
އެނގިފައިވާގޮތުގައި ނިޝާމާގެ ކަރުގައި ޒަހަމްތަކެއް ހުރިއިރު، އޭނާގެ މޫނު ވަނީ ނޫވެފައެވެ.
